Húsnæðisstuðningur
Starfsmenn félagsþjónustu veita einstaklingum og fjölskyldum ráðgjöf og upplýsingar um húsnæðismál og húsaleigusamninga.
Umsýsla á félagslegu húsnæði, úthlutun félagslegra leiguíbúa í eigu bæjarins og greiðsla sérstaks húsnæðisstuðnings fer einnig í gegnum félagsþjónustu Vestmananeyjabæjar. Almennar húsaleigubætur/húsnæðisbætur fara fram hjá Húsnæðis -og mannvirkjastofnun. Sérstakur húsnæðisstuðingur er greiddur af sveitarfélaginu.
Almennar húsnæðisbætur
Greiðslur húsnæðisbóta, eins og þær kallast samkvæmt nýjum lögum, eru inntar af hendi hjá Húsnæðis- og mannvirkjastofnun. Nánari upplýsingar er hægt að nálgast á heimasíðunni www.husbot.is en þar er hægt að sækja um húsnæðisbætur og einnig er þar aðgengileg reiknivél sem umsækjendur geta nýtt sér.
Frekari upplýsingar og aðstoð má nálgast heimasíðunni www.husbot.is, hjá Húsnæðis- og mannvirkjastofnun í síma 440-6400.
Sérstakur húsnæðisstuðningur
Með nýrri lagasetningu um húsnæðisbætur kallast nú sérstakar húsaleigubætur, sérstakur húsnæðisstuðningur. Sérstakur húsnæðisstuðningur verður áfram greiddur frá sveitarfélögum. Hægt er að nálgast umsóknareyðublað um sérstakan húsnæðisstuðning á heimasíðu Vestmannaeyjabæjar (www.vestmannaeyjar.is), inn á íbúagátt eða á skrifstofu félagsþjónustu Kirkjuvegi 23. Athygli er vakin á því að umsækjendur verða að hafa sótt um húsnæðisbætur fyrst hjá Húsnæðis- og mannvirkjastofnun.
Sérstakar húsnæðisstuðningur er fjárstuðningur til greiðslu húsaleigu vegna samþykktra íbúða á almennum markaði til viðbótar við almennar húsnæðisbætur. Aðstæður umsækjenda eru m.a metnar út frá ákveðnum tekjuviðmiðum, fjölda heimilismanna ofl.
Nánari upplýsingar gefa starfsmenn félagsþjónustu (felags@vestmannaeyjar.is) og í síma 488 2000
