Dvalar- og hjúkrunarheimilið Hraunbúðir

Vestmannaeyjabær rekur hjúkrunar- og dvalarheimilið Hraunbúðir og hefur heimild fyrir 32 hjúkrunarrýmum og 2 dvalarrýmum. 

Að auki er boðið upp á 10 dagdvalarrými. Til að fá inni á hjúkrunar- og dvalarheimili þarf að sækja um til sérstakrar vistunarmatsnefndar á vegum Landlæknis.

Sótt er um dvalarrými á sérstökum eyðublöðum sem skilað er í Ráðhúss Vestmannaeyja, ákvörðun um dvalarrými er tekin hjá nefnd sem staðsett er í Hveragerði. Ekki er heimild til að taka einstakling inn á Hraunbúðir nema með samþykki vistunarmatsnefndar. 

Hraunbúðir

Hjúkrunar- og dvalarheimilið Hraunbúðir var tekið í notkun 1974. Ríkið ráðstafar Hraunbúðum heimild til að reka þar ákveðin fjölda hjúkrunar- og dvalarrýma auk fjárheimilda til rekstursins. Heimild er fyrir 32 hjúkrunarrýmum (þar af eitt skammtímarými) og 2 dvalarrýmum. Að auki hefur Hraunbúðir heimild fyrir 10 dagdvalarrýmum.

Hjúkrunarrými er fyrir þá sem eru verulega veikir en dvalarrými fyrir þá sem þurfa minni umönnun. Á heimilinu starfa hjúkrunarfræðingar, sjúkraliðar auk ófaglærðs starfsfólks. Læknir kemur reglulega og þjónustar heimilismenn.

Fullkomið eldhús er á Hraunbúðum þar sem starfar lærður bryti, í því eldhúsi er einnig eldaður matur sem er sendur heim.

Föndurstofa er opin eftir hádegi alla virka daga og þar er fólk sem aðstoðar heimilismenn og aðra sem mæta í föndrið. Boðið er upp á daglega leikfimi.

Til að fá inni á hjúkrunar- og dvalarheimili þarf að sækja um til sérstakrar vistunarmatsnefndar á vegum Landlæknis. Sótt er um vistunarmat vegna hjúkrunarrýma á eyðublöðum beint til vistunarmatsnefndar sem staðsett er á Selfossi.

Sótt er um dvalarrými á sérstökum eyðublöðum sem skilað er í Ráðhúss Vestmannaeyja, ákvörðun um dvalarrými er tekin hjá nefnd sem staðsett er í Hveragerði. Ekki er heimild til að taka einstakling inn á Hraunbúðir nema með samþykki vistunarmatsnefndar.

Í Vestmannaeyjum eru að auki heimild frá ríkinu fyrir 7 hjúkrunarrýmum á Heilbrigðisstofnun Vestmannaeyja til viðbótar við þau 32 sem eru á Hraunbúðum. Inntaka á þau rými eru háð sömu skilyrðum og nefnd eru hér að framan.

Umsóknareyðublöð má finna hér til hægri.