Bæjarstjórn Vestmannaeyja fundur nr. 1351
Bæjarstjórn Vestmannaeyja
1351. fundur
Ár 2004, þriðjudaginn 16. nóvember, kl. 18.00 var fundur haldinn í bæjarstjórn Vestmannaeyja í sal Listaskólans, Vesturvegi 38.
Forseti bæjarstjórnar, Guðrún Erlingsdóttir stjórnaði fundi, en fundargerð ritaði Viktor Stefán Pálsson.
Neðangreindir bæjarfulltrúar sátu fundinn auk Bergs E. Ágústssonar bæjarstjóra.
Fyrir var tekið.
1. mál. Fundargerðir ráða, nefnda og stjórna.
a) Bæjarráð, 2745. fundur frá 11. nóvember 2004.
Fundargerðin samþykkt með 6 samhljóða atkvæðum, einn fjarverandi.
b) Bæjarráð, 2746. fundur frá 12. nóvember 2004.
Fundargerðin samþykkt með 6 atkvæðum, einn sat hjá.
2. mál. Lagður fram samstarfssamningur V-lista Vestmannaeyjalistans og D-lista Sjálfstæðisflokksins um meirihlutasamstarf í bæjarstjórn Vestmannaeyja.
Svohljóðandi samstarfssamningur V-lista Vestmannaeyjarbæjarlistans og D-lista Sjálfstæðisflokksins var lagður fram undir þessum dagskrárlið:
“Friður - Framfarir
V-listi (Vestmannaeyjalistans) og D-listi ( Sjálfstæðisflokksins ) eru sammála um að taka upp meirihlutasamstarf í bæjarstjórn Vestmannaeyja til loka kjörtímabils núverandi bæjarstjórnar árið 2006. Standi samstarfið undir þeim væntingum sem til þess eru gerðar getur skapast grundvöllur til áframhaldandi samstarfs eftir næstu bæjarstjórnarkosningar fái listarnir til þess umboð.
Grundvöllur þessa samstarfs byggir á brýnni þörf fyrir betri samstöðu Eyjamanna í sókn og vörn fyrir Vestmannaeyjar og með hagsmuni íbúanna að leiðarljósi.
Þá eru listarnir sammála um eftirtalin atriði:
Bæjarstjóri verði áfram Bergur Elías Ágústsson.
Skipurit Vestmannaeyjabæjar verður óbreytt til loka kjörtímabilsins 2006, að frátöldum breytingum vegna fjárhagslegrar endurskipulagningar og samstaða næst um milli listanna.
Forseti bæjarstjórnar verði af V-lista
Formaður bæjarráðs verði af D-lista
Bæjarráð verði skipað tveimur fulltrúum af D-lista og einum af V-lista.
Varamenn í bæjarráði verði tveir af V-lista og einn af D-lista.
Formaður fjölskylduráðs verði af V-lista
Formaður menningar- og tómstundaráðs verði af D-lista til júní 2005
og V-lista til loka kjörtímabils vorið 2006.
Formaður skólamálaráðs verði af D-lista.
Formaður umhverfis- og skipulagsráðs verði af V-lista.
Formaður hafnarstjórnar verði af V-lista.
Varaformenn ráðanna fjögurra, bæjarráðs og hafnarstjórnar verði af þeim lista sem ekki skipar formann. Jafnmargir fulltrúar verða frá hvorum lista um sig í sjö manna ráðum.
Fulltrúi Vestmannaeyjabæjar í stjórn Eignarhaldsfélagsins Fasteignar hf. verði af V-lista. En fulltrúi í stjórn Hitaveitu Suðurnesja verði af D-lista,
Gæta skal fyllsta jafnræðis milli listanna við ákvarðanir um fulltrúa bæjarins í nefndum og ráðum, sem Vestmannaeyjabær á aðild að og meirihlutinn tilnefnir í.
V-listi og D-listi eru sammála um að leita allra leiða til sparnaðar og aðhaldssemi í rekstri bæjarfélagsins.
Staðið verði við samþykktir bæjarstjórnar um byggingu menningarhúss í Vestmannaeyjum og byggingu nýs leikskóla á Sólareitnum við Ásaveg og aðrar verklegar framkvæmdir sem teknar hafa verið ákvarðanir um. Einnig eru önnur verkefni í gangi sem áfram verður unnið að.
D-listi og V-listi eru sammála um að leggja mjög ríka áherslu á bættar samgöngur við Vestmannaeyjar. Það er gríðarlegt hagsmunamál fyrir þróun byggðar í Eyjum að hægt verði að taka ákvörðun um framtíðarstefnu í samgöngum milli lands og Eyja haustið 2005.
Fulltrúar listanna munu á næstu vikum vinna frekar að útfærslu samstarfsyfirlýsingar, auk verkefnaáætlunar sem tekur mið af stöðu og möguleikum bæjarfélagsins til næstu framtíðar.
Vestmannaeyjar, 12. nóvember 2004,
Lúðvík Bergvinsson
Arnar Sigurmundsson
Guðrún Erlingsdóttir
Elliði Vignisson
Elsa Valgeirssdóttir
Stefán Jónasson”
Svohljóðandi bókun barst frá Andrési Sigmundssyni, bæjarfulltrúa:
”Vestmannaeyjalistinn undir stjórn Lúðvíks Bergvinssonar hefur slitið vinstra samstarfinu við Framsóknarflokkinn í bæjarstjórn Vestmannaeyja með tilvísan til trúnaðarbrests við undirritaðan. Í sjálfu sér er ekkert við það að athuga að stjórnmálamaður á borð við Lúðvík Bergvinsson skipti um skoðun frá vinstri til hægri, en á hinn bóginn er ólíðandi að það sé gert með upplognum tilefnum og með því að vega að mannorði annarra manna. Staðreyndin er sú að Lúðvík hafði undirbúið vandlega aðförina að undirrituðum enda var hann þegar eða 10 mínútum eftir að fundi bæjarráðs lauk þann 12. nóv. sl. búinn að mynda meirihluta með Sjálfstæðisflokknum, gefa því samstarfi nafn og skipa í nefndir. Það er ekki annað að sjá af þeim atburðum sem orðið hafa síðustu daga í Eyjum, heldur en þeir kumpánar Lúðvík og leiðtogi Sjálfstæðisflokksins, hafi hannað atburðarrásina frá upphafi til enda. Þar með hefur Lúðvík stöðvað samvinnu félagshyggjuaflanna í Vestmannaeyjum, rofið meirihlutasamstarf sem verið hefur ”með miklum ágætum” eins og hann hefur orðað það sjálfur.
Þegar meirihluti V-listans og Framsóknarflokks tók til starfa varð strax ljóst að nú skyldu verkin tala. Ráðist var beint að rótum stöðnunar og flokkræðis sem hafði haft lamandi áhrif á bæjarfélagið undangenginn áratug. Stjórnkerfið var stokkað upp og í starf bæjarstjóra var ráðinn fagmaður með víðtæka reynslu af stjórnun og rekstri. Reynslan hefur sýnt að nýjum bæjarstjóra varð treyst til að stýra bæjarfélaginu með hagsmuni allra bæjarbúa að leiðarljósi en ekki aðeins þeirra sem báru réttu flokksskírteinin.
Það er öllum ljóst að meirihluti Framsóknarflokkssins og V-lista hefur hleypt nýju lífi í bæjarmálin, hvernig sem á það er litið. Opin stjórnsýsla, vönduð og fagleg vinnubrögð og hagur bæjarbúa allra hafður að leiðarljósi.
Meirihluti bæjarstjórnar er nú fer frá er vinnu- og kraftmesti meirihluti er verið hefur í Vestmannaeyjum í langan tíma. Í tíð þessa meirihluta hefur tekist að lækka skuldir bæjarins. Skipulagsbreytingar á yfirstjórn bæjarins sem og í bæjarkerfinu sem skila sér með hagkvæmari rekstri. Félagsmálin og þjónusta við íbúa bæjarins hefur stöðugt batnað. Fyrirhuguð er nýbygging á sex deilda leikskóla og svona mætti lengi telja. Að stöðva þá þróun er þegar var hafin í Vestmannaeyjum er alfarið á ábyrgð bæjarfulltrúans og þingmanns Samfylkingarinnar Lúðvíks Bergvinssonar.
Ákvörðun Lúðvíks um að slíta meirihlutasamstarfinu og leiða harðsvíruð hægriöfl aftur til valda í Eyjum eru vonbrigði sem særir allt vinstra- og félagshyggjufólk í Vestmannaeyjum. Samstarf hvort sem það er í þátíð eða nútíð sem byggt er á óheilindum er fyrirfram dæmt til að mistakast.”
Svohljóðandi bókun barst frá Stefáni Jónassyni og Guðrúnu Erlingsdóttur:
“Við undirritaðir bæjarfulltrúar Vestmannaeyjalistans hörmum þær ósönnu og ósmekklegu ásakanir sem bornar hafa verið á Lúðvík Bergvinsson bæjarfulltrúa Vestmanaeyjalistans, enda eiga þær sér enga stoð í raunveruleikanum. Bæjarfulltrúar Vestmannaeyjalistans unnu að fullum heilindum í samstarfi við Andrés Sigmundsson, allir sem einn.”
Guðrún Erlingsdóttir og Stefán Jónasson bæjarfulltrúar Vestmannaeyjalistans.
3. Kosning forseta bæjarstjórnar og skrifara til júní 2005.
a) Kosning forseta og varaforseta bæjarstjórnar.
Guðrún Erlingsdóttir fékk 7 atkvæði í kosningu til forseta bæjarstjórnar og Elliði Vignisson fékk 7 atkvæði í kosningu til varaforseta bæjarstjórnar.
b) Kosning tveggja aðal- og varaskrifara.
Aðalmenn Varamenn
Stefán Óskar Jónasson Lúðvík Bergvinsson
Elsa Valgeirsdóttir Arnar Sigurmundsson
Samþykkt með 7 samhljóða atkvæðum.
4. Mál. Kosning í eftirfarandi ráð, stjórnir og nefndir.
a) Bæjarráð, 3 aðalmenn og 3 til vara.
Aðalmenn Varamenn
Arnar Sigurmundson, formaður Elsa Valgeirsdóttir
Lúðvík Bergvinsson, varaformaður Stefán Jónasson
Elliði Vignisson Guðrún Erlingsdóttir
Andrés Sigmundsson óskaði eftir tilnefningu til setu í bæjarráði.
Samþykkt með 6 samhljóða atkvæðum, ein sat hjá.
b) Fjölskylduráð, 7 aðalmenn og 5 til vara.
Aðalmenn Varamenn
Guðrún Erlingsdóttir, formaður Steinunn Jónatansdóttir
G. Ásta Halldórsdóttir, varaformaður Sigurhanna Friðþórsdóttir
Kristín Valtýsdóttir Svavar V. Stefánsson
Auður Einarsdóttir Georg Skæringsson
Helga Björk Ólafsdóttir Jóhanna Reynisdóttir
Ágústa Kjartansdóttir
Andrés Sigmundsson
Samþykkt með 7 samhljóða atkvæðum.
c) Menningar- og tómstundaráð, 7 aðalmenn og 5 til vara.
Aðalmenn Varamenn
Elliði Vignisson, formaður Rúnar Karlsson
Björn Elíasson, varaformaður Lúðvík Bergvinsson
Þorsteinn Viktorsson Óðinn Hilmisson
Páll Scheving Ingvarsson Ingibjörg Jónsdóttir
Íris Róbertsdóttir Arnar Richardsson
Egill Arngrímsson
Andrés Sigmundsson
Samþykkt með 7 samhljóða atkvæðum.
d) Skólamálaráð, 7 aðalmenn og 5 til vara.
Aðalmenn Varamenn
Elsa Valgeirsdóttir, formaður Páll Marvin Jónsson
Jóhann Guðmundsson, varaformaður Hafdís Sigurðardóttir
Bergþóra Þórhallsdóttir Andrea Atladóttir
Gunnlaugur Grettisson Gunnar Friðfinnsson
Steinunn Jónatansdóttir Bjarni Ólafur Magnússon
Margo E. Renner
Andrés Sigmundsson
Samþykkt með 7 samhljóma atkvæðum.
e) Umhverfis- og skipulagsráð, 7 aðalmenn og 5 til vara.
Aðalmenn Varamenn
Stefán Jónasson, formaður Baldvin Kristjánsson
G. Ásta Halldórsdóttir, varaformaður Guðjón Hjörleifsson
Sigríður Bjarnadóttir Guðný Bjarnadóttir
Friðbjörn Ólafur Valtýsson Valgeir Jónasson
Stefán Lúðvíksson Einar Steingrímsson
Drífa Kristjánsdóttir
Andrés Sigmundsson
Samþykkt með 7 samhljóða atkvæðum.
f) Hafnarstjórn, 5 aðalmenn og 5 til vara.
Aðalmenn Varamenn
Hörður Þórðarsson, formaður Svavar V. Stefánsson
Stefán B. Friðriksson, varaformaður Sigmar G. Sveinsson
Viðar Elíasson Jóhann Þorvaldsson
Valmundur Valmundsson Ástþór Jónsson
Skæringur Georgsson Guðbjörg Karlsdóttir
Samþykkt með 7 samhljóða atkvæðum.
g) Stjórn Nýsköpunarstofu, 2 aðalmenn og 2 til vara.
Aðalmenn Varamenn
Eygló Harðardóttir Guðrún Erlingsdóttir
Páll Marvin Jónsson Stefán B. Friðriksson
Samþykkt með 7 samhljóða atkvæðum.
h) Fulltrúa Vestmannaeyjabæjar í verkefnisstjórn um byggingu menningarhúss, 3
aðalmenn.
Aðalmenn
Bergur Elías Ágústsson
Guðjón Hjörleifsson
Lúðvík Bergvinsson
Samþykkt með 7 samhljóða atkvæðum.
5. Mál. Kosning í eftirfarandi ráð, stjórn og nefndir út kjörtímabilið.
a) Fulltrúaráð Brunabótafélags Íslands, 1 aðalmaður og 1 til vara.
Aðalmaður Varamaður
Arnar Sigurmundsson Stefán Jónasson, varamaður
Samþykkt með 7 samhljóða atkvæðum.
b) Fulltrúaráð Sambands íslenskra sveitarfélaga, 3 aðalmenn og 3 til vara.
Aðalmenn Varamenn
Stefán Jónasson Lúðvík Bergvinsson
Arnar Sigurmundsson Elliði Vignisson
Guðrún Erlingsdóttir Elsa Valgeirsdóttir
Samþykkt með 7 samhljóða atkvæðum.
c) Fulltrúa í Heilbrigðisnefnd Suðurlands, 1 aðalmaður og 1 til vara.
Aðalmaður Varamaður
Bergur Elías Ágústsson Guðjón Hjörleifsson
Samþykkt með 7 samhljóða atkvæðum.
Arnar Sigurmundsson (sign.)
Lúðvík Bergvinsson (sign.)
Stefán Jónasson (sign.)
Guðrún Erlingsdóttir (sign.)
Elliði Vignisson (sign.)
Andrés Sigmundsson (sign.)
Elsa Valgeirsdóttir (sign.)