Bæjarráð Vestmannaeyja nr. 2823
2823. fundur
Bæjarráðs Vestmannaeyja
haldinn í fundarsal Ráðhúss,
þriðjudaginn 17. júlí 2007 og hófst hann kl. 12.00
Fundinn sátu:
Páley Borgþórsdóttir, Páll Scheving Ingvarsson, Páll Marvin Jónsson og Elliði Vignisson.
Fundargerð ritaði: Rut Haraldsdóttir, framkvæmdastjóri stjórnsýslu- og fjármálasviðs
Dagskrá:
1. 200707191 -
Niðurskurður aflaheimilda í þorski.
Bæjarstjóri lagði fram skýrslu Vífils Karlssonar og Guðnýjar Önnu
Vilhelmsdóttur um mikilvægi þorskveiða fyrir Vestmannaeyjar og staðbundin
efnahagsleg áhrif 30% kvótaskerðingar, sem unnin var fyrir Atvinnuþróunarfélag
Suðurlands að beiðni bæjarstjóra. Helstu niðurstöður eru þær að staðbundin
efnahagsleg áhrif 30% þorskkvótaskerðingar á Vestmannaeyjar nema alls um 3.3.
milljörðum króna á næsta ári.
Bæjarráð samþykkir að fela bæjarstjóra að óska tafarlaust eftir fundi með Árna
Matthiesen fjármálaráðherra og Össuri Skarphéðinssyni iðnaðarráðherra sem leiða
eiga verkefnisstýringu vegna mótvægisaðgerða vegna skerðingar á aflaheimildum í
þorski fyrir hönd ríkisstjórnar.
2.
200707198 - Sala á 6.787% eignarhlut Vestmannaeyjabæjar í
HS
Bæjarstjóri gerði grein fyrir því að greiðsla fyrir hlut Vestmannaeyjabæjar
hefði þegar borist. Þá gerði bæjarstjóri einnig grein fyrir helstu lykilstærðum
hvað lán og lánasamsetningar varðar.
Í máli hans kom fram að það sem af er ári hefur Vestmannaeyjabær ekki þurft á
rekstrarlánum að halda og er það nýmæli í rekstri sveitarfélagsins. Enn fremur
gerði bæjarstjóri grein fyrir því að skuldir og skuldbingar Vestmannaeyjabæjar
þann 30.06. 2007 væru:
Bæjarstjóður
Samtals: 1.383.081.044
Félagslegar íbúðir
Samtals: 665.538.086
Hafnarsjóður
Samtals: 415.279.998
Alls: 2.463.899.128
Lífeyrisskuldbindingar
ca: 1.600.000.000
Lífeyrisskuldbind.v.hafnarinnar
ca. 186.000.000
Skuldir alls: 4.249.899.128
Bæjarráð samþykkir að greiða strax niður erlend lán að upphæð 124.282.727. Þar
með hafa öll erlend lán Vestmannaeyjabæjar verið greidd upp. Þá felur bæjarráð
bæjarstjóra að undirbúa gerð minnisblaðs um lánasamsetningu sveitarfélagsins
fyrir næsta fund bæjarráðs.
3. 200707192 -
Staða samgöngumála
Bæjarstjóri gerði grein fyrir samtölum sem hann hefur átt við starfsmenn VST
sem nú vinna að óháðri úttekt á forsendum jarðganga milli lands og Eyja. Von er
á niðurstöðu hvað það varðar innan fárra daga.
Bæjarráð fagnar því að nú liggji brátt fyrir niðurstöður hvað jarðgöng varðar
og leggur þunga áherslu á að tekin verði af öll tvímæli um það hvort ráðast
eigi í gerð jarðganga milli lands og Eyja.
Bæjarstjóri gerði grein fyrir stöðu útboðs á flugi milli lands og Eyja.
Samkvæmt upplýsingum frá Vegagerðinni barst einungis tilboð frá Flugfélagi
Íslands í þessa mikilvægu þjónustu. Tilboð þeirra var annarsvegar í tvær ferðir
á dag allt árið og hinsvegar í tvær ferðir á dag í vetraráætlun og þrjár ferðir
á dag í sumaráætlun. Málið er nú til meðferðar hjá samgönguráðuneytinu.
Bæjarráð leggur áherslu á að samið verði við Flugfélag Íslands um þrjár ferðir
á dag yfir sumarmánuðina og að minnsta kosti einn dag í viku yfir
vetrarmánuðina þar sem farnar eru þrjár ferðir enda flug milli Reykjavíkur og
Vestmanneyja afar mikilvæg fyrir atvinnulífið í Vestmannaeyjum, og þá ekki síst
yfir vetrartímann.
Bæjarstjóri gerði grein fyrir stöðu mála hvað varðar löngu lofaðar næturferðir
milli lands og Eyja. Engar fregnir hafa borist af því að til standi að efna það
loforð þar sem samningar hafa ekki náðst milli ríkisins og Eimskipa.
Bæjarráð harmar seinagang hvað þetta varðar. Yfirlýsingar samgönguráðuneytis og
ríkisstjórnar þar sem fullyrt var að rúmlega 30 næturferðum yrði bætt við
áætlun Herjólfs skópu miklar væntingar í Vestmannaeyjum sem hafa nú verið að
engu hafðar enda langt liðið á sumarið. Fjárhagslegt tjón ferðaþjónustuaðila er
verulegt og óþægindi þau er bæjarbúar hafa orðið fyrir vegna flöskuhálsa í
samgöngum verða vart metin til fjár.
Fyrir lá erindi frá ÍBV íþróttafélagi vegna næturferða Herjólfs yfir þjóhátíð.
Þar kemur fram að fyrirsjáanlegt er verulegt álag á Herjólf vegna þjóðhátíðar
og líklegt sé að þörf sé fyrir fleiri næturferðir með Herjólfi en nú eru á
áætlun.
Þeir óska því eftir að Vestmannaeyjabær beiti sér fyrir því að næturferð verði
bætt við aðfararnótt miðvikudagsins 1. ágúst n.k. og aðfaranótt fimmtudagsins
9. ágúst nk.
4. 200707195 -
Skipan starfshóps vegna Pompei norðursins
Bæjarráð samþykkir að starfshópinn skipi:
Arnar Sigurmundsson, Íris Róbertsdóttir og Gísli Hjartarson
5. 200707194 -
Skipan stýrihóps vegna goslokahátíðar 2008
Bæjarráð samþykkir að stýrihópinn skipi:
Helga Björk Ólafsdóttir, Páley Borgþórsdóttir og Páll Scheving Ingvarsson.
6. 200707186 -
Umsögn vegna Þjóðhátíðar Vestmannaeyja 2007.
Bæjarráð samþykkir erindið svo fremi sem aðrir sem um málið fjalla geri það
einnig.
7. 200707189 -
Umsögn Vestmannaeyjabæjar vegna umsóknar ÍBV-íþróttafélags um tækifærisleyfi
til áfengissölu í tjaldi á þjóðhátíð 2007.
Bæjarráð samþykkir erindið svo fremi sem aðrir sem um málið fjalla geri það
einnig.
8. 200707187 -
Endurnýjun umsóknar Sigurgeirs Scheving vegna gistiskálaleyfis fyrir Faxastíg
33, Vestmannaeyjum
Bæjarráð samþykkir erindið svo fremi sem aðrir sem um málið fjalla geri það
einnig.
9. 200707017 -
Efni: Námskeið fyrir sveitarfélög um samningsstjórnun 13.-14. ágúst nk.
10. 200707073 -
Fundargerð 744.fundar stjórnar Sambands íslenskra sveitarfélaga föstudaginn
22.júní 2007
11. 200707193 -
Fundargerðir nefnda lagðar fyrir bæjarráð 2823
Fundargerð framkvæmda- og hafnarráðs nr. 24 frá 26.júní sl.
Fundargerð umhverfis- og skipulagsráðs nr. 64 frá 5. júlí sl.
Fundargerð menningar- og tómstundaráðs nr. 43 frá 5. júlí sl.
Fleira ekki gert. Fundi slitið kl. 13.15
Páley Borgþórsdóttir
Páll Scheving Ingvarsson
Páll Marvin Jónsson
Elliði Vignisson