Bæjarráð Vestmannaeyja nr. 2806

22.11.2006

2806. fundur.

Ár 2006, miðvikudaginn 22. nóvember kl. 16.00 var fundur haldinn í bæjarráði Vestmannaeyja í Ráðhúsinu.

 

Mætt voru: Páley Borgþórsdóttir formaður, Páll Scheving og Elliði Vignisson bæjarstjóri.

 

Fundargerð ritaði Rut Haraldsdóttir.

 

Fyrir var tekið:

 

1. mál.

Bæjarstjóri gerði grein fyrir stöðu mála hvað sölu á íbúðum í eigu Vestmannaeyjabæjar varðar.

 

Í máli hans kom fram að mikil eftirspurn er eftir íbúðum í eigu sveitarfélagsins og sambærilegum íbúðum á frjálsum markaði.  Jafnframt gerði bæjarstjóri grein fyrir því að þegar hafa verið seldar hátt í 30 íbúðir á árinu í fjöleignahúsum við Foldahraun og Áshamar.

 

Bæjarráð fagnar jákvæðri þróun á fasteignamarkaði en slíkt er jafnan tekið sem merki um trú markaðar á byggðarlög.  Bæjarráð samþykkir að fela bæjarstjóra að auglýsa til sölu íbúðir í Foldahrauni 42, að undangenginni góðri kynningu fyrir íbúana.

 

2. mál

Fyrir lá bréf Byggðastofnunar dags. 10. nóv 2006 þar stofnunin hafnar 2,5 mkr. tilboði Vestmannaeyjabæjar dags 9. okt 2006 í 38,77% hlut stofnunarinnar í Eignarhaldsfélagi VM.  

 

Bæjarráð felur bæjarstjóra að vinna áfram að málinu í samræmi við umræðu á fundinum.

 

3. mál.

Fyrir lá bréf frá Frosta Gíslasyni þar sem óskað er eftir afstöðu bæjarráðs til samninga um hönnun götu og lagna við Bessahraun 1-7 ásamt gerð útboðsgagna.

 

Bæjarráð samþykkir að vísa kostnaði vegna hönnunar götu og lagna við Bessahraun 1 – 7 ásamt gerð útboðsgagna til gerðar fjárhagsáætlunar 2007.

 

4. mál.

Fyrir lá bréf frá hússtjórn Skólavegs 4a með ósk um að fasteignaskattur verði felldur niður af húseigninni.

 

Með vísan til 4. mgr. 5.gr. laga nr. 4/1995 um tekjustofna sveitarfélaga með síðari breytingum getur bæjarráð ekki orðið við erindinu.

 

 

 

 

 

5. mál

Fyrir lá afrit af bréfi um endurmat Fasteignamats ríkisins á eignum Olíudreifingar ehf. dags. 17. okt 2006.

 

6. mál

Fyrir lá bréf frá Sveinafélagi járniðnaðarmanna í Vestmannaeyjum þar sem þeir hvetja bæjaryfirvöld til dáða hvað varðar viðbrögð við tjóni á upptökumannvirkjum hafnarinnar. 

 

7. mál

Fyrir lá til umsagnar frumvarp (http://www.althingi.is/altext/133/s/0058.html) til laga um útvarpslög, prentrétt og samkeppnislög, 58. mál, eignarhald á fjölmiðlum o.fl.

 

8. mál

Fyrir lágu eftirfarandi fundargerðir:

1. Fundur heilbrigðisnefndar Suðurlands
2. Fundargerð framkvæmda- og hafnarráðs dags. 20. nóvember sl.

 

 

 

Fleira ekki bókað.  Fundi slitið kl. 17.33

 

 

Páley Borgþórsdóttir (sign.)

Páll Schveing (sign.)

Elliði Vignisson (sign.)