|
| Almenn erindi |
| 1. 201503002 - Staða atvinnumála - uppsagnir í Leo Seafood |
| Þann 10. september sl. tilkynnti Vinnslustöð Vestmannaeyja um uppsagnir 50 starfsmanna hjá Leo Seafood. Bæjarráð óskaði eftir því að Sigurgeir Brynjar Kristgeirsson framkvæmdastjóri VSV kæmi á fund ráðsins til að fara yfir forsendur máls. |
Niðurstaða
Bæjarráð lýsir þungum áhyggjum af þeirri stöðu sem upp er komin. Mikilvægt er að forsvarsmenn VSV í samráði við stéttarfélög starfsmanna vinni saman að því að tryggja starfsfólkinu störf og eyða óvissu um framhaldið.
Bæjarráð mun áfram fylgjast með framvindu mála.
|
|
Gestur:
Sigurgeir Brynjar Kristgeirsson, framkvæmdastjóri VSV
|
|
|
| 2. 201212068 - Umræða um samgöngumál |
Bæjarstjóri fór yfir stöðuna á slipptöku Herjólfs og afleysingarskipi. Herjólfur er kominn í slipp í Hafnarfirði. Gert er ráð fyrir að slippurinn taki um tæpar þrjár vikur. Helstu verkefni í slippnum eru einkum tvenn; málun og upptaka veltiugganna. Skipið verður heilmálað að utan auk þess sem bíladekkið verður tekið alveg í gegn. Upptaka ugga er gerð á fimm ára fresti skv. fyrirmælum framleiðanda.
Breiðafjarðarferjan Baldur leysir af og er hún með undanþágu til siglinga í Þorlákshöfn. Vegagerðin vinnur að því að ferjan fái B-haffæri svo hún geti verið varanlegt varaskip fyrir Herjólf árið um kring. Þar sem Baldur tekur færri farþega og bíla en Herjólfur hefur ferðum verið fjölgað í átta ferðir á dag.
|
Niðurstaða
Ráðið þakkar upplýsingarnar og leggur þunga áherslu á að Baldur hafi haffæri allan ársins hring í báðar hafnir og að skipið geti nýst sem varaskip fyrir Herjólf þegar þörf er á. |
|
|
|
| 3. 202504032 - Fjárhagsáætlun 2026 |
Ræddar voru forsendur fjárhagsáætlunar fyrir árið 2026. Framundan eru vinnufundir í fagráðum og bæjarstjórn. Framkvæmdastjórar skila áætlunum um rekstur og viðhald til fjármálastjóra. Vinna stendur yfir við undirbúning áætlunarinnar.
Í forsendum fjárhagsáætlunar er lagt upp með að útsvarsprósenta verði óbreytt á milli ára eða 14,91% og að framlög úr Jöfnunarsjóði sveitarfélaga verði í samræmi við áætlun sjóðsins, sem ætti að liggja fyrir í október og endanlega fyrir fyrri umræðu um fjárhagsáætlun í bæjarstjórn.
Vestmannaeyjabær hefur verið að skoða áhrif lækkunar á álagningaprósentum á tekjur bæjarsjóðs af fasteignagjöldum. Lögð voru fyrir drög að forsendum til ákvörðunartöku álagningarhlutfalls á fasteignaskatti.
Bæjarráð mun taka afstöðu til álagningarprósentu fasteignagjalda fyrir árið 2026 á næsta fundi.
Horft er til þess að aðrar tekjur málaflokka, svo sem vegna gjaldskráa bæjarins, hækki um 3,5% eða skv. vísitölu neysluverðs.
Gert er ráð fyrir að aðrir rekstrarliðir hækki almennt um 3,5%. Í því felst hagræðing á kostnaðarhlið fjárhagsáætlunar, þar sem verðlagsþróun hefur verið umtalsvert hærri.
Stuðst er við sérstaka launaáætlun við undirbúning fjárhagsáætlunarinnar, sem tekur mið af mannaflaþörf á stofnunum bæjarins og útreikningi á áhrifum kjarasamninga. Með því eykst nákvæmni við áætlun launa.
Aðrir þættir sem gera þarf ráð fyrir í fjárhagsáætlun og hafa verið samþykktir af fjölskyldu- og tómstundaráði eru breytingar á húsnæði Heimaeyjar og rekstrarfé vegna sköpunarhúss.
Þá þarf fjárhagsáætlun að taka mið af kennsluúthlutun fyrir grunnskóla sem fræðsluráð hefur samþykkt.
|
Niðurstaða
Bæjarráð samþykkir samhljóða forsendur fjárhagsáætlunar og að halda áfram undirbúningi skv. þeirri tímalínu sem ráðið samþykkti 9. apríl sl. Bæjarráð samþykkir óbreytt útsvar 14,91% og hækkun almennra rekstrarliða um 3,5%. Einnig samþykkir bæjarráð að hækkanir gjaldskráa, sem tengjast forsendum kjarasamninga, verði 3,5% en aðrar gjaldskrár hækki skv. vísitölu neysluverðs.
Bæjarráð samþykkir jafnframt samhljóða að í fjárhagsáætlun verði gert ráð fyrir breytingum á Heimaey og reiknað verði út rekstrarfé fyrir sköpunarhús í samræmi við tillögur fjölskyldu- og tómstundaráðs. Þá samþykkir ráðið að fjárhagsáætlun taki mið af kennsluúthlutun fyrir grunnskóla sem fræðsluráð hefur samþykkt.
|
|
|
|
| 4. 202412014 - Almannavarnarlögn NSL-4 |
| Vatnshópurinn kom saman á fundi þann 29. ágúst sl. ásamt lögmanni. Bæjarstjóri fór þar yfir stöðuna á NSL4 og samtöl við ráðherra varðandi frekari aðkomu ríkisins að fjármögnun lagnarinnar. Bæjarstjóri hefur óskaði eftir fundi vatnshóps með fjármálaráðherra og verður hann 25. september nk. |
Niðurstaða
Ráðið þakkar upplýsingarnar. |
|
|
|
| 5. 202503106 - Kjarasamningar KÍ félaga og SÍS 2025-2028 |
Framkvæmdastjóri stjórnsýslu- og fjármálasviðs fór yfir drög að skýrslu faghóps sem skipaður var af bæjarráði á 3236. fundi þann 12. maí 2025. Hópurinn hafði það verkefni að fara yfir tillögur framkvæmdastjóra fjölskyldu- og fræðslusviðs um hagræðingar á fræðslusviði og meta, í samráði við skólastjórnendur, hvaða kostir væru í stöðunni m.t.t áhrifa á þjónustu og starfsemi. Vinna hópsins er langt komin og verða endanleg drög lögð fyrir bæjarráð á næsta fundi.
Ýmsar hagræðingar hafa þegar komið til framkvæmda í skólunum frá hausti 2025 sem áætlað er að spari um 27 m.kr. á haustönninni. Áætlaður viðbótarlaunakostnaður fyrir árið 2025 vegna kjarasamninga var áætlaður 110-115 m.kr.en getur orðið nær 140 m.kr. Því er óskað eftir rekstrarviðauka upp á 115 m.kr. til að mæta þessum aukna launakostnaði. Viðaukinn liggur fyrir í sjötta dagskrárlið.
|
Niðurstaða
Bæjarráð þakkar upplýsingarnar. |
|
|
|
| 6. 202502131 - Viðaukar við fjárhagsáætlun 2025 |
| Viðauki 6 lagður fram til samþykktar. Um er að ræða 115 m.kr. rekstrarviðauka vegna viðbótarlaunakostnaðar í tengslum við kjarasamninga. Viðaukinn er fjármagnaður með handbæru fé. |
Niðurstaða
Ráðið samþykkir samhljóða viðauka 6. |
|
|
|
| 7. 202207045 - Eygló eignarhaldsfélag um ljósleiðaravæðingu í Vestmannaeyjum |
| Sölu á Eygló til Mílu er formlega lokið og hefur Míla greitt fyrstu greiðslu skv. samningi og verður síðari greiðslan greidd innan sex mánaða. Framundan er úttekt á lagningu ljósleiðarastrengja í öll staðföng sem tilgreind eru í áföngum 1 og 2 skv. samningi. |
Niðurstaða
Bæjarráð lýsir yfir ánægju með þennan áfanga og þakkar stjórn félagsins vel unnin störf. |
|
|
|
| 8. 202409085 - Styrktarsjóður menningar, lista, íþrótta og tómstunda |
| Framkvæmdastjóri stjórnsýslu- og fjármálasviðs lagði til breytingu á reglum sjóðsins (Viltu hafa áhrif). Um er að ræða breytingu á þriðju efnisgrein 6. gr. reglnanna er varðar tímaramma styrkhafa til að skila inn greinargerð um ráðstöfun styrks. |
Niðurstaða
Bæjarráð samþykkir samhljóða umrædda breytingu og felur framkvæmdastjóra stjórnsýslu- og fjármálasviðs að uppfæra reglurnar í samræmi við tillögu. |
|
|
|
| 9. 202509014 - Umboð til áritunar á lóðarleigusamninga |
| Óskað er eftir að bæjarráð veiti Brynjari Ólafssyni, framkvæmdastjóra umhverfis- og framkvæmdasviðs umboð til að undirrita lóðaleigusamninga fyrir hönd sveitarfélagsins. |
Niðurstaða
Ráðið samþykkir samhljóða að veita umbeðið umboð. |
|
|
|
| 10. 201604034 - Heimgreiðslur |
| 4. mál af 397. fundi fræðsluráðs þann 27. ágúst sl. Ráðið leggur til að viðmiðunartekjur foreldra breytist í upphafi hvers árs um sömu prósentu og almennir rekstrarþættir sveitarfélagsins skv. fjárhagsáætlun, fyrst árið 2026. Mun því 3. gr. í reglum um heimgreiðslur breytast í samræmi við það. |
Niðurstaða
Bæjarráð samþykkir samhljóða umrædda breytingu á 3. gr. reglna um heimgreiðslur. |
|
|
|
| 11. 202502061 - Fundargerðir til kynningar 2025 |
| Fundargerðir samtaka, nefnda og ráða lagðar fram til kynningar. |
| 625.-fundargerd-SASS_140825.pdf |
|
|
|
| 12. 200708078 - Trúnaðarmál lögð fyrir bæjarráð |
| Trúnaðarmál eru færð í sérstaka fundargerð trúnaðarmála. |
|
|
|
