|
Fundinn sátu: Helga Jóhanna Harðardóttir formaður, Hrefna Jónsdóttir varaformaður, Gísli Stefánsson aðalmaður, Esther Bergsdóttir aðalmaður, Hafdís Ástþórsdóttir aðalmaður, Jón Pétursson framkvstj.sviðs, Silja Rós Guðjónsdóttir starfsmaður sviðs. |
|
Fundargerð ritaði: Jón Pétursson, framkvæmdastjóri fjölskyldu- og fræðslusviðs |
|
Heba Rún Þórðardóttir sat fundinn í 3. máli. |
|
|
Almenn erindi |
1. 200704150 - Fundargerð barnaverndar fyrir fjölskyldu- og tómstundaráð |
Fundargerð barnaverndar er færð í sérstaka trúnaðarmálabók |
Niðurstaða Fundargerð barnaverndar er færð í sérstaka trúnaðarmálabók. Um er að ræða fullnaðarafgreiðslu skv. viðauka IV við bæjarmálasamþykkt Vestmannaeyjar nr. 991/2020. |
|
|
|
2. 200704148 - Fundargerð trúnaðarmála fyrir fjölskyldu- og tómstundaráð. |
Undir þennan lið falla trúnaðarmál sem lögð eru fyrir ráðið og eru færð í sérstaka trúnaðarmálabók. |
Niðurstaða Fundargerð trúnaðarmála er færð í sérstaka trúnaðarmálabók. Um er að ræða fullnaðarafgreiðslu skv. viðauka IV við bæjarmálasamþykkt Vestmannaeyjar nr. 991/2020. |
|
|
|
3. 200703013 - Félagsmiðstöðin Strandvegi 50 |
Forstöðumaður félagsmiðstöðvarinnar kynnir starfsemi vetrarins.
Félagsmiðstöðvar eru mikilvægur þáttur í lífi barna og unglinga og gegna því veigamikla hlutverki að sinna uppbyggilegu tómstunda- og félagsstarfi utan skólatíma. Félagsmiðstöðin er fyrir krakka á aldrinum 10-16 ára. Skemmtileg dagskrá er í hverjum mánuði þar sem allir ættu að finna eitthvað við sitt hæfi. Ýmsir klúbbar verða í boði í vetur eins og Dungeons og Dragons, Félóklúbburinn og listaklúbbur sem unnin er í samstarfi við Lista- og menningarfélag Vestmannaeyja. |
Niðurstaða Ráðið þakkar kynninguna. Ráðið telur mikilvægt að starfsemi félagsmiðstöðvarinnar bjóði upp á fjölbreytta dagskrá fyrir ungmenni í Vestmannaeyjum. Sérstaklega á tímum sem þessum þar sem ekki hefur verið mikið félagsstarf í boði fyrir ungmenni sl. mánuði vegna hertra samkomutakmarka vegna Covid 19. |
|
|
|
4. 202105241 - Málefni dagdvalar |
Framkvæmdastjóri fjölskyldu- og fræðslusviðs fór yfir stöðu dagdvalar aldraðra. Dagdvöl aldraðra er stuðningsúrræði fyrir aldrað fólk sem býr í heimahúsum og er ætlað að rjúfa félagslega einangrun og viðhalda færni einstaklinga til að geta búið sem lengst í sjálfstæðri búsetu. Dagdvölin er opin frá kl. 9 -16 alla virka daga og er staðsett í vesturenda Hraunbúða. Vestmannaeyjabær hefur heimild frá ríkinu fyrir rekstur á 10 almennum dagdvalarrýmum. Þau rými eru meira en fullnýtt. Allt að 13 - 14 manns nýta sér dagdvölina á morgnana en eftir hádegi getur hópurinn orðið allt að 16 - 18. Á biðlista eru 8 manns og ljóst að þörfin á þjónustu dagdvalar mun aukast á næstu árum. Vestmannaeyjabær er því að veita mun fleiri úrræði en greitt er fyrir af hálfu ríkisins. Sótt hefur verið um heimild fyrir fleiri rýmum og nýlega fékkst leyfi fyrir 5 sérhæfðum dagdvalarrýmum. Þau eru þó háð ákveðnum skilyrðum s.s. varðandi aðstöðu og þjónustu. Framkvæmdastjóri fór yfir hugmyndir að breytingum m.a. á núverandi aðstöðu dagdvalar til að koma til móts við skilyrðin sem sett eru, sem og til að bæta almennt aðstöðu dagdvalar.
|
Niðurstaða Ráðið þakkar kynninguna og fagnar því að loksins hafi fengist samþykki fyrir fleiri dagdvalarrýmum. Ráðið felur framkvæmdastjóra að taka umræddar hugmyndir að breytingu á aðstöðu dagdvalar inn í vinnu fjáhagsáætlunar 2022. |
|
|
|
5. 202010038 - Verkefnið SIGURHÆÐIR |
Yfirfélagsráðgjafi leggur til að Vestmannaeyjabær taki þátt í og verði samstarfsaðili Soroptimistaklúbbs Suðurlands að verkefninu Sigurhæðir. Markmið verkefnisins er að bjóða sunnlenskum stúlkum og konum öruggan vettvang og aðstoð fagfólks til að vinna úr áföllum sem eiga rætur í kynbundnu ofbeldi, hvort sem það er tilfinningalegt, andlegt, líkamlegt eða kynferðislegt og vinna með því að valdeflingu þeirra. Sveitarfélög á Suðurlandi s.s. Árborg, sveitarfélög í Árnesþingi og Rangárvalla- og V-Skaftafellssýslu og sveitarfélagið Hornarfjörður auk Lögreglan á Suðurlandi, Heilbrigðisstofnun Suðurlands, Kvennaráðgjöfin, Mannréttindaskrifstofa Íslands og Markþjálfafélag Íslands eiga aðild að Sigurhæðum. Að auki er ríkulegt samstarf við Stígamót, Kvennaathvarfið, Drekaslóð og Bjarkarhlíð. Sigurhæðir sem staðsett er á Selfossi er fyrsta samhæfða þjónusta við þolendur kynbundins ofbeldis í sunnlensku nærsamfélagi. Mikilvægt er að fyrir liggi viljayfirlýsing um samstarf frá Vestmannaeyjabæ og að úrræði Sigurhæða verði auglýst og kynnt. Úrræðið sem er endurgjaldslaust mun því standa Vestmannaeyjingum til boða. |
Niðurstaða Ráðið samþykkir að verða samstarfsaðili Soroptimistaklúbbs Suðurlands í verkefninu Sigurhæðir. |
|
|
|
|
|
Fleira ekki gert. Fundi slitið kl. 18:15 |