6.2. 201604034 - Heimgreiðslur

Ráðið þakkar upplýsingarnar

Bókun frá fulltrúum D listans:
Í ljósi þess að áhyggjur undirritaðra hafa raungerst og hópur foreldra fær nú engar eða mun minni heimgreiðslur en áður leggja undirritaðar fram eftirfarandi tillögu; "Fyrirkomulagi heimgreiðslna Verði breytt aftur í fyrra horf og þeir sem rétt eiga á heimgreiðslum fái 110þ kr mánaðarlega óháð tekjum". (sign Hildur Sólveig Sigurðardóttir og Halla Björk Hallgrímsdóttir)

Kosið var um tillögu D listans og var hún felld með 3 atkvæðum E og H listans á móti 2 atkvæðum D listans.

Bókun frá fulltrúum E og H lista:
Áhugavert er að taka stöðuna eftir fyrsta mánuð heimgreiðslna skv. nýju fyrirkomulagi og er dreifingin milli þeirra sem eru yfir tekjuviðmiðum, þeirra sem fá hlutagreiðslur eða fullar greiðslur í samræmi við það sem áætlað var. Auk þess hafa foreldrar þriggja barna tekið ákvörðun um að þiggja heimgreiðslur frekar en að þiggja leikskólapláss strax. Nauðsynlegt er að gefa breyttu fyrirkomulagi lengri tíma til að geta metið áhrif þess. (sign Aníta Jóhannsdóttir, Hafdís Ástþórsdóttir og Ellert Scheving Pálsson)

Bókun frá D listanum:
Leitt að ekki sé hægt að bregðast hratt við óánægju foreldra gagnvart fyrirkomulaginu né tekið tillit til athugasemda minnihluta en undirritaðar leggja til að málið verði tekið fyrir að nýju í lok apríl þegar ársfjórðungsmat liggur fyrir. (sign Hildur Sólveig Sigurðardóttir og Halla Björk Hallgrímsdóttir)

7.2. 202311102 - Breytt Aðalskipulag Vestmannaeyja - Nýir reitir fyrir hafnarsvæði

Ráðið þakkar yfirferðina.

Eftir gott samtal við bæjarbúa sem og athugasemdir við fyrirhugaðar aðalskipulagsbreytingar telur framkvæmda- og hafnarráð ekki ráðlagt að fara í lengingu á Kleifabryggju (staurabryggja þvert fyrir Löngu). Óskar ráðið eftir því við umhverfis- og skipulagsráð að tekið verði tillit til þess í framhaldinu á skipulagsvinnunni. Ráðið óskar eftir því að núverandi aðalskipulag í Löngu haldist óbreytt að undanskilinni styttingu Hörgaeyrargarðs.

Einnig komu inn ábendingar frá bæjarbúum varðandi stækkun á H2 svæði Vestmannaeyjahafnar í austur (Brimneskant á móts við Ystaklett). Til upplýsinga hafa verið unnar hráar myndir sem sýna hvernig bryggjukantar í Skansfjöru og Gjábakkafjöru gætu litið út. Myndir sýna annars vegar 100 metra kant við Skansfjöru skv. núverandi aðalskipulagi og svo 250 metra Brimneskant skv. breytingu á aðalskipulagi. Myndirnar sýna hvar skip gætu legið í innsiglingunni.

Einnig vill ráðið árétta að stórskipakantur utan við Eiðið er hugmynd sem ekki hefur verið hætt við en með fyrirliggjandi aðalskipulagsbreytingum er verið að opna fyrir aðra möguleika. Ljóst er að Vestmannaeyjahöfn er sprungin bæði þegar horft er til legupláss og upplands og er verið að leita allra leiða til að bregðast við kröfum og vaxandi þörf.

8.5. 202403014 - Uppfærðar reglur um götu- og torgsölu í Vestmannaeyjum

Ráðið samþykkir breyttar reglur fyrir sitt leyti.
Erindi vísað til bæjarstjórnar.

9.5. 202403036 - Viðaukar við fjárhagsáætlun 2023

Bæjarráð samþykkir samhljóða fyrirliggjandi viðauka við fjárhagsáætlun 2023.

9.6. 202403040 - Aðkoma sveitarfélaga að nýundirrituðum kjarasamningi á almennum markaði-Stöðugleikasamningi

Bæjarráð Vestmannaeyja fagnar því að þetta mikilvæga skref hafi verið stigið til að skapa frið á vinnumarkaði. Langtímasamningar og fyrirsjáanleiki sem þeim fylgja skiptir miklu máli fyrir alla aðila til á ná niður vöxtum og verðbólgu.

Bæjarráð leggur til við bæjarstjórn að vinna áfram að því að brúa bilið, sem gert er vel í Eyjum, og áframhaldandi húsnæðisuppbyggingu.

Einnig leggur bæjarráð til við bæjarstjórn að endurskoða gjaldskrár til að koma til móts við kjarasamninga. Þess ber að geta að almennar gjaldskrár hækkuðu aðeins um 4,5% í Vestmannaeyjum um síðustu áramót.

Varðandi gjaldfrjálsar skólamáltíðar leggur bæjarráð til við bæjarstjórn að áður en ákvörðun verður tekin um það mál verði beðið eftir útfærslunni sem koma á fram í maí enda tekur þessi liður í kjarasamningi ekki gildi fyrr en í ágúst.

Bæjarráð Vestmannaeyja mótmælir þeirri aðferðafræði að útsvarstekjum sveitarfélaga sé ráðstafað við samningaborð þar sem sveitarfélögn sjálf eiga ekki sæti við borðið. Eigi sveitarfélög að taka þátt í samningi á almennum vinnumarkaði verða þau að vera upplýst og taka sjálfstæðar ákvarðanir um þátttöku en ekki í gegnum í stjórn Samband íslenskra sveitarfélaga sem ekki hefur stöðuumboð til að ákvarða í hvað útsvarstekjur einstakra sveitarfélaga fara.

12.2. 202203028 - Móttaka flóttafólks

Bæjarráð gerir ekki athugasemd við samninginn og vísar honum til bæjarstjórnar til staðfestingar.