Tillaga að breyttu Aðalskipulagi Vestmannaeyja 2015-2035 vegna heimildar til íbúða á efri hæðum við Strandveg 89-97 sem tilheyrir landnotkunarreit athafnasvæðis AT-1 var staðfest á 1617 fundi bæjarstjórnar Vestmannaeyja sem haldinn var þann 11. júní 2025.

Við yfirferð Skipulagsstofnunar að lokinni staðfestingar sveitarstjórnar kom í ljós að vitlaus umsögn hafði borist frá Heilbrigðiseftirliti Suðurlands.

Heilbrigðiseftirlit Suðurlands gerir athugasemd vegna málsins er varðar að föst búseta á svæðinu valdi ekki óæskilugum og skaðlegum áhrifum á heilsufar almennings s.s. vegna hávaða lyktar eða titrings sbr. 6 mgr. 3. gr. laga um hollustuhætti og mengunarvarnir. Þar er varað við því að íbúðarbyggð geti samrýmst illa atvinnustarfsemi sem heimil er á reitnum. Vísað er til reglugerðar um hávaða, þar sem fram kemur að leyfilegur hávaði (LAeq) á iðnaðar- og athafnasvæðum sé umtalsvert hærri (70 dB) en sá sem heimill er á verslunar-, þjónustu- og miðsvæðum (35-50 dB). Því sé nauðsynlegt að setja skilmála sem koma í veg fyrir neikvæð áhrif.

Tillaga að breyttu Aðalskipulagi Vestmannaeyja 2015-2035 sem gerir ráð fyrir að Athafnasvæði AT-2 verði breytt í iðnaðarsvæði var kynnt á vinnslustigi skv. 2. mgr. 30 gr. Skipulagslaga nr. 123/2010 á tímabilinu 12. nóvember - 4. desember 2024.

Tvær umsagnir bárust frá umsagnaraðilum á kynningartímanum sem gera ekki athugasemdir vegna málsins.

Samhliða er lögð fram tillaga fyrir umrædda breytingu á Aðalskipulagi Vestmannaeyja 2015-2035 til auglýsingar skv. 31. gr. Skipulagslaga nr. 123/2010.

Viðauki 7 lagður fram til samþykktar. Um er að ræða 177 m.kr. fjárfestingarviðauka vegna framkvæmda við Hásteinsvöll sem er fjármagnaður með tilfærsluviðauka.

Bæjarstjóri greindi frá því að Inga Sæland, félags- og húsnæðismálaráðherra hefur þekkst boð um að sækja Vestmannaeyjar heim þann 30. október nk. til að ræða uppbyggingu hjúkrunarheimilis. Bæjarráð hefur rætt uppbyggingu hjúkrunarheimilis við fyrrverandi og núverandi heilbrigðisráðherra og mun fylgja því eftir við félags- og húsnæðismálaráðherra.

Lögð er fram skipulagslýsing vegna fyrirhugaðrar breytingar á Aðalskipulagi Vestmannaeyjabæjar 2015-2035 og deiliskipulagi Iðnaðarsvæðis í Viðlagafjöru. Með breytingu á aðalskipulagi er áætlað að stækka iðnaðarsvæðið í Viðlagafjöru til að auka við athafnasvæði fiskeldis sem þar er starfrækt. Með breytingu deiliskipulags verður deiliskipulagssvæðið stækkað, lóðir afmarkaðar til norðurs og byggingarheimildir auknar vegna stækkunar landeldisstöðvar Laxeyjar ehf.

Lagt fram að lokinni auglýsingu tillaga að breyttu aðalskipulagi Vestmannaeyja 2015-2035 vegna fyrirhugaðra áforma um baðlón og hótel á Skanshöfða auk nýs deiliskipulags fyrir Skans og Skanshöfða.

Skipulagsáformin voru auglýst skv. 31. gr og 41. gr. Skipulagslaga nr. 123/2010 á tímabilinu 8. ágúst2025 - 19. september 2025.

Alls bárustu 7 umsangir venga aðalskipulagsbreytingar og 7 umsagnir vegna deiliskipulags. Í 5 tilfellum var umsögnin sú sama fyrir aðalskipulag og deiliskipulag.

Fjölskyldu- og fræðslusvið óskar eftir heimild bæjarráðs til að bæta við stöðugildum til Félagsmiðstöðvarinnar, samtals 1,5 stöðugildi starfsmanna til að sinna lengdri viðveru fatlaðra barna (10 - 18 ára) eftir skóla. Um er að ræða lögbundið verkefni sem aukin eftirspurn er eftir. Hingað til hefur verkefnið verið leyst með því að þvinga það inn í rekstur og þjónustu frístundar og/eða Heimaeyjar en vegna vaxandi eftirspurnar gengur það ekki lengur. Mikilvægt er að koma þjónustunni í fast form og fyrirhugað er að þjónustan fari undir Félagsmiðstöðina og ábyrgð og rekstur verði undir fjölskyldu- og tómstundarráði.

Þjónustan á sér lagastoð í 16. gr laga um þjónustu við fatlað fólk með langvarandi stuðningsþarfir nr. 38/2018 sem fjallar um frístundaþjónustu. Sveitarfélög skulu bjóða fötluðum börnum og ungmennum upp á frístundaþjónustu eftir að reglubundnum skóladegi þeirra lýkur, og eftir atvikum áður en dagleg kennsla hefst, svo og á þeim dögum, öðrum en lögbundnum frídögum, þegar skólar starfa ekki. Þessi þjónusta tekur við af almennri frístundaþjónustu grunnskóla og henni lýkur þegar viðkomandi lýkur framhaldsskóla.

Vestmannaeyjabær hefur fengið viðbótarframlag úr Jöfnunarsjóði vegna sérþarfa fatlaðra nemenda í grunnskólum á grundvelli umsókna frá sveitarfélaginu. Í ár er framlagið áætlað rúmar 27 milljónir.
Kostnaður vegna þessara stöðugilda er um 12,6 m.kr. á ári en um 3 milljónir fyrir árið 2025.

Fyrir ráðinu lá erindi frá Þresti Johnsen. Óskar hann eftir svörum frá sveitarfélaginu er varðar umsóknir um byggingarleyfi fyrir Skólaveg 21B og Sólhlíð 17. Óskar hann eftir því að sveitarfélagið kaupi eignirnar verði byggingarleyfi ekki veitt. Einnig óskar hann eftir upplýsingum varðandi lagna- og vegaframkvæmdir við Skólaveg 21B.

Þeir bæjarfulltrúar sem sóttu fjármálaráðstefnu Sambands íslenskra sveitarfélaga í byrjun október hittu þingmenn Suðurkjördæmis í tilefni af kjördæmaviku. Bæjarfulltrúar fóru yfir helstu áherslumál er snúa að Vestmannaeyjum, m.a. aðkomu ríkisins að fjármögnun almannavarnavatnslagnar, samgöngumál og fyrsta hluta jarðgangarannsókna.

Mál nr. 1 af 327. fundi framkvæmda- og hafnarráðs. Um er að ræða greinargerð sem Jóhann Halldórsson vann fyrir ráðið. Hún var kynnt fyrir framkvæmda- og hafnarráði og fyrir bæjarstjórn á óformlegum fundi í gær. Greinargerðin verður nýtt við áframhaldandi stefnumótun á sviði innviðauppbyggingar í Vestmannaeyjum.

Fyrir bæjarráði lá skýrsla frá Gísla Stefánssyni um ferð hans til Orkneyja í apríl sl. Tilgangur ferðarinnar var að skoða orkuöflun Orkneyinga og um leið að kanna hvort samfélag eins og Vestmannaeyjar gæti nýtt sér þær aðferðir til orkuöflunar.