Þakkir vegna goslokahátíðar.

Nú, að aflokinni vel heppnaðri goslokahátíð, þar sem veðurguðirnir ásamt mannfólki léku við hvern sinn fingur, vill menningarmálanefnd Vestmannaeyja þakka öllum þeim sem lögðu hönd á plóg til að hátíðin mætti heppnast svo vel. 

Vestmannaeyingar höfðu úr mörgu að moða og góð aðsókn var á auglýsta dagskráliði.  Yfirlitssýning heiðurslistamanns Vestmannaeyja Ragnars Engilbertssonar hefur vakið mikla og verðskuldaða athygli og verður hún einnig opinn almenningi um næstu helgi.

Sérstaklega vill nefndin þakka eigendum krónna í Skvísusundi fyrir þann velvilja að ljá krærnar undir hátíðahöldin ár eftir ár án endurgjalds.

Það er ljóst að goslokahátíð skipar orðið stóran sess í hugum fólks.  Því endurtekur menningarmálanefnd þakkir sínar til þeirra sem að henni komu á einn eða annan hátt.

Fræðslu- og menningarsvið Vestmannaeyjabæjar