Samstarf á milli framhaldsskóla og grunnskóla, undirbúningur að formlegri stofnun sérdeildar við grunnskólana og skólamáltíðir.

Fræðslufulltrúa falið að kalla saman vinnuhóp, framkvæmdastjóra að koma á fundi millum skólastjórnenda og kalla saman vinnuhóp um framtíðarlausn skólamáltíða.

Síðast liðinn mánudag hélt skólamálaráð sinn fyrsta fund.  Þar voru ýmis mál rædd, sem fólk getur kynnt sér frekar á heimasíðu Vestmannaeyjabæjar/fundargerði, en ofangreind mál eru þegar komin í vinnslu.

Fræðslufulltrúi hefur boðað til fundar um sérkennslumálin nk. föstudag, en vinnuhópinn skipa formaður skólamálaráðs og varaformaður, skólasálfræðingur, fræðslufulltrúi og sérkennarar skólanna.

Framkvæmdastjóri hitt í dag ásamt fræðslufulltrúa stjórnendur grunnskólanna og framhaldsskólans, þar sem rætt var nánara samstarf skólanna til framtíðar með tilliti til bráðgerra nemenda og auknum möguleikum þeirra til einstaklingsmiðaðra náms.  Ákveðið var að hafa tilbúna smstarfsáætlun næsta vor fyrir skólaárið 2005 - 2006.  Málefni samstarfsins á núverandi skólaári voru rædd og þeim fundin ákveðinn farvegur.

Framkvæmdastjóri mun í byrjun næstu viku kalla saman hóp manna til að ræða skólamáltíðir og æskilegasta fyrirkomulag þeirra til framtíðar.  Verið er að safna  upplýsingum varðandi fyrirkomulag sambærilegra sveitarfélaga og athuga t.a.m. vísitölubindingu á verð, niðurgreiðslur og hversu miklar þær eru eða hvort þær hafi alfarið verið lagðar af, samsetningu, útboð og annað sem málinu viðkemur.

Næsti fundur skólamálaráðs verður 9da september og hefst á því að Viktor Stefán Pálsson sviðstjóri stjórnsýslu-og fjármálasviðs mun kynna aðal og varamönnum hina nýju bæjarmálasamþykkt Vestmannaeyjabæjar og fara m.a. í áorðnar breytingar á framlagningu mála til ráðsins.

Andrés Sigurvinsson, framkvæmdastjóri fræðslu- og menningarsviðs.