Ráðgjafi í félagsþjónustu - afleysing
Vestmannaeyjabær auglýsir eftir ráðgjafa til starfa hjá fjölskyldu- og fræðslusviði Vestmannaeyjabæjar.
Um er að ræða afleysing í 80% stöðu í eitt ár. Viðkomandi þarf að geta hafið störf sem fyrst. Starfið er á sviði félagsþjónustu- og barnaverndar. Næsti yfirmaður er yfirfélagsráðgjafi.
Helstu verkefni ráðgjafa
· vinna við m.a. þjónustu, aðstoð og ráðgjöf í tengslum við félagslega aðstoð og ráðgjöf, fjárhagsaðstoð, málefni barna og ungmenna, húsnæðismál, vímuvarnir o.fl.
· vinna við barnavernd
· vinnur með fjölskyldum og samstarfsaðilum vegna vinnslu mála
· þverfagleg teymisþáttaka
Menntun og hæfniskröfur
· Menntun á sviði félagsvísinda
· Þekking og reynsla af starfi við barnavernd er æskileg
· Þekking og reynsla af opinberri stjórnsýslu er kostur
· Frumkvæði, sjálfstæði og nákvæmni í vinnubrögðum
· Góð færni í mannlegum samskiptum, samstarfi og teymisvinnu
· Hæfni í þverfaglegu samstarfi
· Gott vald á íslenskri tungu
· Góð alhliða tölvukunnátta
Upplýsingar veitir Jón Pétursson, framkvæmdastjóri fjölskyldu- og fræðslusviðs Vestmannaeyjabæjar (jonp@vestmannaeyjar.is) í síma 488 2000.
Umsóknarfrestur er til og með 22. janúar 2021
Umsækjendur eru beðnir um að skila inn umsóknum á netfangið jonp@vestmannaeyjar.is. Með umsókn þarf að fylgja ferilsskrá um fyrri störf og menntun ásamt kynningarbréfi þar sem gerð er grein fyrir ástæðu umsóknar og rökstuðningi fyrir hæfni í starfið. Laun eru samkvæmt kjarasamningum við Samband íslenskra sveitarfélaga
Hvatning til allra áhugasama einstaklinga, óháð kyni, til að sækja um starfið skv. lögum um jafnan rétt kvenna og karla nr. 10/2008 og lögum um kynrænt sjálfræði nr. 80/2019.