Öldrunarþjónusta.

Félags-og fjölskyldusvið auglýsir laust til umsóknar 25% starf við böðun í dagvist aldraðra. Þjónustan er veitt á dvalar-og hjúkrunarheimilinu Hraunbúðum.  Vinnutími er eftir hádegi frá kl. 13.00 - 16.00 þrjá daga í viku. Allar nánari upplýsingar veitir forstöðumaður öldrunarþjónustu, Sigurleif Guðfinnsdóttir, eftir hádegi í síma 481-3390.

Umsóknareyðublöð liggja frammi í afgreiðslu Ráðhússins og skal skilað á sama stað. Umsóknarfrestur er til 16. september 2004.

Vestmannaeyjabær veitir öldruðum fjölbreytta þjónustu og er meginhluti þjónustunnar veitt í tengslum við dvalar-og hjúkrunarheimilið Hraunbúðir. Meðal þjónustuþátta er félagsleg heimaþjónusta, dagvistun aldraðra, heimsending matar, akstursþjónusta, félags-og tómstundastarf, hár-og fótsnyrting og félagsleg ráðgjöf.