Námsvist við alþjóðlega menntaskóla

Auglýst er eftir umsóknum um skólavist við tvo alþjóðlega menntaskóla. Nám við skólana tekur tvö ár og því lýkur með viðurkenndu alþjóðlegu stúdentsprófi, International Baccalaureat Diploma (IB). Kennsla fer fram á ensku. Skólarnir eru:

1. Alþjóðlegur menntaskóli í Fjaler í Noregi. Íslensk stjórnvöld eiga aðild að rekstri skólans og býðst skólavist fyrir einn nemanda. Nemandi þarf sjálfur að greiða uppihaldskostnað sem nemur um það bil 20.000 norskum krónum á ári og auk þess ferðakostnað. Nánari upplýsingar má finna á vef skólans: http//www.rcnuwc.uwc.org.
2. Li Po Chun United World College í Hong Kong. Skólavist býðst fyrir einn nemanda. Nemandi þarf að greiða uppihaldskostnað og 35% skólagjalda eða um 470.000 ísl. kr. á ári auk ferðakostnaðar. Nánari upplýsingar er að finna á vef skólans: http.//www.lpcuwc.edu.hk.

Auglýst er eftir umsækjendum um skólavist fyrir skólaárið 2005-2006. Umsækjendur skulu hafa lokið sem svarar einu ári í framhaldsskóla, hafa gott vald á ensku og vera á aldrinum 16 - 19 ára.

Umsóknir berist menntamálaráðuneytinu, Sölvhólsgötu 4, 150 Reykjavík, í síðasta lagi 30. mars næstkomandi. Skóla- og símenntunardeild ráðuneytisins veitir nánari upplýsingar í síma 545 9500. Umsóknareyðublöð eru á vef ráðuneytisins, menntamalaraduneyti.is.

Menntamálaráðuneytið, 27. febrúar 2005

Fræðslu-og menningarsvið Vestmannaeyjabæjar