Mey- kraftur kvenna í Vestmannaeyjum
Vestmannaeyjabær og Viska hafa gert með sér samstarfssamning vegna Mey – kvennaráðstefnu þar sem markmiðið er að styðja við kraft kvenna, efla menningarlíf og lengja ferðaþjónustutímabilið.
Samningurinn var undirritaður þann 17. apríl sl. af Íris Róbertsdóttur, bæjarstjóra og Minnu Björk Ágústsdóttur, forstöðumanni Visku.
Mey var haldin í fyrsta skipti í fyrra þar sem stór hópur kvenna kom saman til að næra sig á líkama og sál. Ráðstefnan tókst með eindæmum vel og verður hún nú haldin í annað sinn nk. laugardag og eru yfir 100 konur þátttakendur.