Margt að gerast í Eyjum um hvítasunnuna 3. - 5. júní !
Fjölskylduhelgi Vestmannaeyjabæjar, þar sem félags-og fjölskyldusvið og fræðslu-og menningarsvið standa fyrir fjölskylduleik þar sem hvert heimili fær vegabréf og fyrir hvern dagskrárlið sem fjölskyldan tekur þátt í fær hún stimpil í vegabréfið. Þeir sem skila inn vegabréfum með 5 eða fleiri staðfestum atburðum eiga möguleika á vinningi. Margir viðburðir verða í gangi eins og t.d. gönguferðir, tuðruferðir, spröngukennsla, opið í púttsal eldriborgara, Taflfélag Vestmannaeyja verður með opið hús, skátaþrautir í Skátastykki. Einnig verður frítt í sund og íþróttahús á laugardeginum og frítt á söfnin á 2. í hvítasunnu, margt fleira verður í boði.
· Dagar lita og tóna á vegum Listvinafélagsins, jasstónleikar laugardags- og sunnudagskvöld í Akóges,
· Tónleikar í Landakirkju með Ellen Kristjánsdóttur og Eyþóri Gunnarssyni á sunnudeginum.
· EYJA FEST tónleikar fyrir 18 ára og eldri, 13 hljómsveitir frá Eyjum og fastalandinu koma fram á Prófastinum 2. og 3. júní, fjörið byrjar kl. 22.00 bæði kvöldin.
· Sjóstangaveiðimót á vegum Sjóstangafélags Vestmannaeyja laugardag og sunnudag, bátar koma að landi 14.30.
· Golfmót, Net - Hampiðjan á laugardeginum, minningarmót um Jakobínu Guðlaugsdóttur á sunnudeginum.
· Berglind Kristjánsdóttir opnar listasýningu sína í Eyjabústöðum sunnudaginn 4. júní.
Í tilefni fjölskylduhelgarinnar munu veitingastaðir og verslanir bjóða upp á ýmis tilboð yfir helgina. Sjá dagskrá fjölskylduhelgarinnar hér fyrir neðan.
Fjölskylduhelgi dagana 3.,4. og 5.júní 2006
Laugardagurinn 3.júní
· Setning Fjölskylduhátíðar í anddyri Íþróttamiðstöðvar.
· Opnun myndlistasýningarinnar List án landamæra. Kór æskulýðsstarfs fatlaðra í Landakirkju tekur lagið.
· 9.00 - 18.00 Frítt fyrir fjölskylduna í sund. Ef veður leyfir verða tónleikar á útisvæði Sundlaugarinnar kl. 16.00 - 17.00
· 10.00 - 12.00 Íþróttasalir opnir fyrir alla. Þrautabraut fyrir yngstu börnin í gamla salnum, badminton og fl. í nýja íþróttahúsinu.
· 13.00 - 16.00 Eldri borgarar taka á móti gestum í púttsal sínum í Ísfélagshúsinu.
· 14.00 - 17.00 Opið hús hjá taflfélaginu við Heiðarveg. Hægt að taka skák við yngri og eldri skákmenn félagsins.
· 13.00 - 16.00 Sig- og spröngukennsla í Spröngunni. Umsjón: Björgunarfélag Vestmannaeyja
· 13.00 - 16.00 Tuðruferðir í umsjón úteyjarmanna. Mæting við smábátahöfnina.
o Keppendur í sjóstangaveiðimóti verða við bryggju.
· 16.00 - Örnefnaganga og náttúruskoðun í Stórhöfða mæting við Höfðavík Leiðsögumenn Hávarður Sigurðsson og Kristján Egilsson. Börn verða að vera í fylgd með fullorðnum.
· Dagar lita og tóna í Akóges.
Sunnudagurinn 4.júní
· 11.00 - 12.00 Fjölskyldumessa í Landakirkju.
· 13.30 - Fjölskylduganga, mæting inn við Spröngu - Sýslumannskór - Fiskhellar - Hundraðmannahellir- Mormónapollur endað við Kaplagjótu. Leiðsögumaður Ólafur Týr Guðjónsson
· Keppendur í sjóstangaveiðimóti verða við bryggju.
14.00 - 16.00 Skátar taka á móti gestum í Skátastykki, útiþrautir, ratleikur og skátakakó.
· 15:00 Opnun glerlistasýningar Berglindar Kristjánsdóttur í sal Eyjabústaða.
· Tónleikar í Landakirkju hjónin Ellen Kristjánsdóttir og Eyþór Gunnarsson.
· 21.00 Dagar lita og tóna í Akóges.
Mánudagurinn 5.júní
o 11.00 - 17.00
o 11.00 - 17.00 Byggðarsafnið og Landlyst, frítt fyrir fjölskylduna
o Hellaganga með Gísla Óskarssyni mæting við Strembuhelli. Börn verða að vera í fylgd með fullorðnum.
o 14.00 - 16.00 Golfklúbburinn með opið hús. Félagsmenn kynna íþróttina.
o 14.00 - 17.00 Opið hús hjá taflfélaginu við Heiðarveg. Hægt að taka skák við yngri og eldri skákmenn félagsins.
o 20.00 - Kaffi Kró, draugasögur frá Vestmannaeyjum, krakkar úr upplestrarkeppni grunnskólanna lesa valdar sögur frá Eyjum.
Golfklúbbur Vestmannaeyja stendur fyrir golfmótum 3. og 4 júní. Einnig standa ungir tónlistarmenn frá Eyjum fyrir tónleikahátíðinni EYJA FEST á Prófastinum 2. og 3. júní.
Í tilefni fjölskylduhelgarinnar munu veitingastaðir og verslanir bjóða upp á ýmis tilboð.
Félags- og fjölskyldusvið og fræðslu- og menningarsvið Vestmannaeyjabæjar.
