Málþing um ferðamál í Rangárþingi og næsta nágrenni.

Haldið að frumkvæði Rotaryklúbbs Rangæinga og ferðamálasamtakanna.

Meira samstarf og samvinna var rauði þráðurinn í máli manna. Einar Guðfinnsson formaður Ferðamálaráðs flutti ávarp. Magnús Oddsson framkvæmdastjór Ferðamálaráðs fór yfir sóknarfærin í ferðaþjónustu.

 

Margir áhugaverðir hlutir í bígerð og vinnslu og m.a. var Pompei norðursins tekið sem dæmi um eitt af áhugaverðustu verkefnunum sem hefðu nýverið komið fram.  Þingmenn mættu á svæðið og fluttu stutt erindi, þau Lúðvík Bergvinsson, Drífa Hjartardóttir, Magús Þór Hafsteinsson og fleiri.  Ekki áttu allir þingmenn kjördæmisins heimangengt en það var gerður góður rómur að ræðum þeirra. 

 

Máliþingið var hið skemmtilegasta og fróðlegt að heyra hvað menn voru að undirbúa og bardúsa og fá framtíðarsýn.

 

Dagskrá hófst með setningu Guðm. Inga Guðmundssonar forseta Rótarýs.

Því næst flutti Einar Guðfinnsson ávarp sitt, síðan fór Eymundur Gunnarsson atvinnu-og ferðamálafulltr. Rangársþings yfir Sögu ferðaþjónustu og framtíðarsýn þeirra í Rangárþingi.  Menn þáðu kaffiveitingar í boði Landsbankans á Hvolsvelli.

Viðurkenningar voru veittar og síðan fluttu Friðrik Pálson, Hótel Rangá, Berglind Viktorsdóttir, Ferðaþjónustu bænda, Valgerður Brynjólfsdóttir, Árbakka, Renata Hanneman, Herríðarhóli og Ragnheiður Jónasdóttir reynslusögur og röktu í stuttu máli hvernig þeirra starfsemi væri háttað. 

 

Þá stigu þingmennirnir á stokk og eftir stuttar umræður var þessu ágæta málþingi slitið.  Ferða-og menningarfulltrúi Kristín Jóhannsdóttir, Valgeir Arnórsson frá Flugfélagi Vey, Sigmundur Einarsson frá Viking tour og Andrés Sigurvinsson framkvæmdastjóri sátu þetta þing sem fulltrúar Vestmannaeyja ásamt Lúðvíki Bergvinssyni bæjarfulltrúa.

 

Sjá dagskrá

 

 

Andrés Sigurvinsson framkvæmdastjóri fræðslu og menningarsviðs Vestmannaeyja.