Lundaveiði 25. júlí – 15. ágúst 2025
Umhverfis- og skipulagsráð Vestmannaeyjabæjar hefur samþykkt að heimila lundaveiði á tímabilinu 25. júlí til 15. ágúst 2025.
Ráðið leggur ríka áherslu á að veiðistýring taki ávallt mið af ástandi og viðkomu lundastofnsins. Samkvæmt lögum er hefðbundið veiðitímabil lunda frá 1. júlí til 15. ágúst.
Réttur til veiða
Veiðifélög hafa nytjarétt á landi í eigu Vestmannaeyjabæjar. Eftirfarandi félög hafa slíkan rétt:
- Úteyjar: Hafa sín eigin veiðifélög.
- Veiðifélag Ystikletts
- Veiðifélag Stórhöfða
- Veiðifélag Heimaeyjar: Hefur veiði- og nytjarétt í Dalfjalli, Klifi, Heimakletti, Miðkletti, Litla Höfða og Kervíkurfjalli.
Á svæðum sem heyra undir þessi veiðifélög – bæði í úteyjum og á upptöldum stöðum á Heimaey er einungis heimilt að veiða með leyfi viðkomandi veiðifélags.
Almenn veiði
Eina svæðið á Heimaey þar sem einstaklingar utan veiðifélaga hafa heimild til lundaveiða er í Sæfellinu.
Veiðikort og umgengni
Til að stunda lundaveiði er gilt veiðikort frá Umhverfisstofnun skilyrði.
Vestmannaeyjabær hvetur alla veiðimenn til að ganga vel um, virða lundastofninn og gæta hófs í veiðum.
