10. júní 2024

Laus staða deildarstjóra stoðþjónustu í Barnaskólanum

Gleði –öRyggi -Vinátta

Starfshlutfall 100% (50-75% stjórnunarhlutfall)

Í Grunnskóla Vestmannaeyja eru rúmlega 500 nemendur og er skólinn starfræktur á tveimur starfsstöðvum, annars vegar í Barnaskóla v/Skólaveg og hins vegar í Hamarsskóla v/Bessahraun.

Haustið 2024 mun skipurit GRV breytast og skólanum verður skipt upp í tvær sjálfstæðar einingar.

Óskað er eftir deildarstjóra stoðþjónustu í Barnaskóla, sem mun þá starfa undir skólastjóra Barnaskóla.

Í skólastarfinu er lögð áhersla á líðan nemenda, fjölbreytta kennsluhætti, skapandi starf og góðan námsárangur en jafnframt er sérstök áhersla á þróunarverkefnið Kveikjum neistann.

Deildarstjóri stoðþjónustu er stjórnendum og kennurum til aðstoðar í því sem tengist stoðþjónustu skólans ásamt því að viðhalda virkum tengslum við nemendur og foreldra.

Deildarstjóri stoðþjónustu hefur umsjón með og ber ábyrgð á skilgreindum verkefnum í stjórnun og kennslu skólans og vinnur náið með deildarstjórum, skólastjóra og kennurum.

Helstu verkefni:

Er faglegur ráðgjafi og yfirmaður sérkennara, þroskaþjálfa og stuðningsfultrúa. Heldur góðum tengslum við skólastigin fyrir ofan og neðan, í samráði við skólastjóra og námsráðgjafa, með það að markmiði að flutningur nemenda milli skólastiga sé hnökralaus. Sinnir kennsluskyldu í stoðþjónustu eftir samkomulagi og stjórnunarhlutfalli. Skipuleggur og hefur umsjón með námsaðstoð; stuðnings- og sérkennslu. Námsver og verkdeild. Annast úrvinnslu og túlkun greiningargagna og beiðna um aukna námsaðstoð og þjónustu við nemendur Vinnur með skólastjóra við að skipuleggja störf þroskaþjálfa og stuðningsfulltrúa. Aðstoðar kennara við gerð einstaklingsmarkmiða í námi og gerð einstaklingsnámskráa. Er tengiliður við umsjónarkennara og foreldra nemenda sem njóta sérstaks námsstuðnings. Annast áætlana- og skýrslugerð vegna sér- og stuðningskennslu. Aðstoðar umsjónar- og sérgreinakennara við að aðlaga nám einstakra nemenda sem njóta stuðnings og sérkennslu. Er tengiliður nemenda í samþættingu og í góðri samvinnu við aðra tengiliði og málstjóra.

Hæfniskröfur:

• Leyfi til þess að nota starfsheitið grunnskólakennari
• Viðbótarmenntun í stjórnun og/eða kennslureynsla á grunnskólastigi
• Viðbótarmenntun í sérkennslu kostur.
• Samstarfshæfni og góð færni í mannlegum samskiptum er mikilvæg.
• Frumkvæði, sjálfstæði og skipulögð vinnubrögð.
• Metnaður í starfi og áhugi á þróunarverkefninu Kveikjum neistann.

____________________________________________________________________________

Starfsmaður þarf að geta hafið störf 15. ágúst.

Umsókn skal fylgja ítarleg ferilskrá og leyfisbréf auk kynningarbréfs þar sem gerð er grein fyrir ástæðu umsóknar og hæfni í starfið.

Laun eru greidd samkvæmt kjarasamningi Sambands íslenskra sveitarfélaga og KÍ.

Umsóknarfrestur er til 24. júní nk. Umsóknir skulu berast með tölvupósti á: Önnu Rós Hallgrímsdóttur núverandi skólastjóra GRV: annaros@grv.is , eða Einar Gunnarsson tilvonandi skólastjóra Barnaskóla: einargunn@grv.is

Nánari upplýsingar um starfið veita Anna Rós og/eða Einar.

Hvatning er til allra áhugasamra einstaklinga, óháð kyni, til að sækja um starfið skv. lögum um jafna stöðu og jafnan rétt kynjanna nr. 15/2020

Öllum umsóknum verður svarað þegar tekin hefur verið ákvörðun um ráðningu.