Hverjar eru vegalengdirnar?

Vinnuhópur á vegum fræðslu- og menningarsviðs hefur að undanförnu unnið að athugun á þeim möguleika að skipta nemendum milli grunnskólanna eftir aldri, þannig að yngri nemendur væru í öðrum skólanum en eldri í hinum.
  Í niðurstöðum frá vinnufundi, sem haldinn var í Hamarsskóla í nóvember, kom fram að flestir töldu helsta annmarkann á því þann að vegalengdir í skóla kæmu til með að lengjast hjá fjölda nemenda.  Því var tekið saman, eftir hverfum í bænum, hvað sú lenging væri mikil eða næði til mikils fjölda nemenda.
  Í þessari athugun er kannaður fjöldi grunnskólanemenda á sjö svæðum og farin sú leið að taka 10 árganga (eldri og yngri) og athuga skiptingu þeirra á svæðin. 
Eldri nemendur 1988 - 1992.
Yngri nemendur 1993 - 1997. 

Hér er myndin af skiptingu svæða í stærri upplausn 
Stuðst er við svæðaskipulag frá Vestmannaeyjabæ, sem að vísu er komið nokkuð til ára sinna en er enn notað og hefur þann kost að auðvelt er að finna skiptingu aldurshópa á hverju svæði.

 

Svæði 1.
Byggðin norðan Vestmannabrautar.
Eldri nemendur 22  Yngri nemendur 29

 

Svæði 2.
Afmarkast af Vestmannabraut að norðan, Íþróttamiðstöð að vestan, Kirkjuvegi að austan að Höfðavegi og þaðan línu til vesturs að Íþróttamiðstöð.
Eldri nemendur 121  Yngri nemendur 114

 

Svæði 3.
Afmarkast af Kirkjuvegi að vestan og Helgafellsbraut að austan og nær yfir "Skeifusvæðið? austan Framhaldsskólans.
Eldri nemendur 56  Yngri nemendur 50

 

Svæði 4.
Byggðin austan Helgafellsbrautar.
Eldri nemendur 28  Yngri nemendur 41

 

Svæði 5.
Afmarkast af Hrauntúni að vestan og línu þaðan að Höfðavegi og síðan Strembugötu að austan.  Byggðin þar fyrir ofan, allt að Olnboga er á svæðinu.
Eldri nemendur 71  Yngri nemendur 62

 

Svæði 6.
Allur nýi vesturbærinn, vestan Hrauntúns og Íþróttamiðstöðvar.
Eldri nemendur 80  Yngri nemendur 83

 

Svæði 8.
Ofanbyggjarar.
Eldri nemendur  0  Yngri nemendur 3

Samtals eldri  378  Samtals yngri  382

Sett upp í töflu lítur skiptingin þannig út:

Árgangur	Svæði 1	Svæði 2	Svæði 3	Svæði 4	Svæði 5	Svæði 6	Svæði 8
1988	5	25	4	5	15	15		69
1989	5	22	13	7	9	8		64
1990	6	26	13	6	13	20		84
1991	2	20	9	5	16	17		69
1992	4	28	17	5	18	20		92
	22	121	56	28	71	80	0	378
1993	9	22	10	10	12	23	1	87
1994	4	21	10	6	16	18	1	76
1995	4	18	9	7	9	10		57
1996	4	29	12	6	13	12	1	77
1997	8	24	9	12	12	20		85
	29	114	50	41	62	83	3	454
	51	235	106	69	133	163	3	760
	7%	31%	14%	9%	18%	21%	0%	760

          
Svæði 2 (miðkjarni bæjarins) er með langflesta nemendur, 235 eða rétt um 31% af öllum grunnskólanemendum.
  Vegalengdir að báðum skólum á þessu svæði mega teljast mjög viðunandi.

Svæði 6 (nýi vesturbærinn) er með næstflesta nemendur, 163 eða rúmlega 21% af
öllum grunnskólanemendum.
  Vegalengd að Hamarsskóla er eins góð og hægt er að búast við en vegalengd að Barnaskóla of löng.

Svæði 5 (efsta byggðin í bænum) er með 133 nemendur eða 18% af öllum grunnskólanemendum.
  Vegalengd að Hamarsskóla er mjög góð og vegalengd að Barnaskóla viðunandi.

Svæði 3 (austurbær og Skeifuhverfi) er með 106 nemendur, eða 14% af öllum grunnskólanemendum.
  Vegalengd að Barnaskóla er mjög góð en vegalengd að Hamarsskóla í lengra lagi.

Svæði 4 (austasti hluti bæjarins) er með 69 nemendur, eða rúm 9% af öllum grunnskólanemendum.
  Vegalengd að Barnaskóla er eins góð og hægt er að búast við en vegalengd að Hamarsskóla of löng.

Svæði 1 (neðan Vestmannabrautar) er með 51 nemanda, eða tæp 7% af öllum grunnskólanemendum.
  Vegalengd að Barnaskóla er eins góð og hægt er að búast við en vegalengd að Hamarsskóla of löng.

Svæði 8 (ofanbyggjarar) er með 3 nemendur, eða innan við 1% af öllum grunnskólanemendum og skiptir ekki máli, enda langt að fara í báða skóla.

Hverjir eiga lengst að fara?

Hér er gengið út frá því að leið sem fer yfir einn kílómetra teljist löng.

Samkvæmt framanskráðu eru það nemendur af svæðum 1, 3, 4, 6 og 8 sem ættu langa leið fyrir höndum í sinn skóla.

Lítum á hvernig það skiptist, miðað við 50% af heildarnemendafjölda hvers svæðis (gróft reiknað).

Svæði 6 21%  10,5%
Svæði 3 14%    7,0%
Svæði 4   9%    4,5%
Svæði 1   7%    3,5%
Svæði 8   0%    0,0%
  Samtals:   25,5%

Samkvæmt þessu er það rétt um fjórðungur grunnskólanemenda sem ætti langa leið að fara í skóla ef af þessari skiptingu verður.

Á meðfylgjandi uppdrætti má sjá hverjir það yrðu sem ættu langa leið fyrir höndum.  Dreginn er hringur frá hvorum skóla með eins km radíus.  Þeir sem lenda inni á sporöskjulaga svæðinu (skyggðu) ættu stutt að fara í hvorn skólann sem væri.  Þeir sem lenda utan við það svæði, eiga (einhverjir) langa leið að fara, eftir því í hvorn skólann væri farið.

Samantekt:  Sigurgeir Jónsson, fyrir vinnuhóp fræðslu- og menningarsviðs.

Niðurstöður vinnuhópa um kosti og galla við aldursskiptingu grunnskólanna birtast á næstu dögum og eru menn enn og aftur hvattir til að tjá skoðun sína.
Minnt er á netfangið skolamal@vestmannaeyjar.is svo og heimasíðu Vestmannaeyjabæjar