14. janúar 2005

Ársskýrsla slökkviliðs Vestmannaeyja 2004

Slökkvilið Vestmannaeyja var kallað út í alls 16 sinnum á árinu 2004. Í sjö tilfellum var kallað út í íbúðarhús,einu sinni vegna ammoníaksleka í Ísfélagi Vestmannaeyja og einu sinni vegna elds í bát sem var í slipp.
Slökkvilið Vestmannaeyja var kallað út í alls 16 sinnum á árinu 2004. Í sjö tilfellum var kallað út í íbúðarhús,einu sinni vegna ammoníaksleka í Ísfélagi Vestmannaeyja og einu sinni vegna elds í bát sem var í slipp.

Einnig hefur slökkviliðið verið kallað út vegna minniháttar atvika svo sem vegna elds í bílum,sinu,og rusli við Sorpu.

Æfingar liðsins á árinu voru 25 talsins. Auk þess kom Brunamálaskólinn til Eyja og hélt 30 klst.  námskeið. Námskeiðið var bæði bóklegt og verklegt og fjallaði um eiturefni og eldvarnir í stærri byggingum.

Slökkviliðsmenn hjálpuðu til við slökkviæfingar starfsfólks hjá 5 stofnunum.

Eins og undanfarin ár tók Slökkvilið Vestmannaeyja þátt í Eldvarnaviku Landssambands Slökkviliðsmanna í byrjun desember. þá viku heimsóttu öll 8 ára börn úr grunnskólunum slökkvistöðina. Þar var farið yfir eldvarnir á heimilum og börnunum sýnd tæki og tól slökkviliðsmanna. Þarna kom líka forseti Lionsklúbb Vestmannaeyja og færði börnunum gjafir frá klúbbnum.

ÍI tengslum við síðasta goslokadag var haldinn slökkviliðsdagur í Eyjum, þar sem bæjarbúum var gefinn kostur á að kynna sér tæki og tól liðsins.

Ragnar Þór Baldvinsson  slökkviliðsstjóri.   

Jafnlaunavottun Learncove