"Hjólað í vinnuna" hvatningaverkefni ÍSÍ

Starfsmenn Samskipa í Vestmannaeyjum var eina fyrirtækið sem tók þátt í verkefninu í fyrra.  Hvetjum fyrirtæki til þátttöku í ár.

Dagana 2. -13. maí n. k. stendur fræðslu- og hvatningarverkefni ÍSÍ, Ísland á iði  fyrir fyrirtækjakeppninni ? Hjólað í vinnuna".  Meginmarkmið ?Hjólað í vinnuna" er að vekja athygli á hjólreiðum sem heilsusamlegum, hagkvæmum og umhverfisvænum samgöngumáta.  Keppnin er byggð í kringum heimasíðu verkefnisins sem vistuð er á isisport.is  Keppt er í 6 fyrirtækjaflokkum um flesta daga og flesta km,  hlutfallslega miðað við fjölda starfsmanna í fyrirtækum.

Á síðasta ári tóku starfsmenn Samskipa í Vestmannaeyjum þátt, eina fyrirtækið frá Eyjum.  En á landinu öllu tóku 162 fyrirtæki og stofnanir frá 29 sveitarfélögum þátt í keppninni.

Það er von okkar að í ár takist okkur að fá mun fleiri fyrirtæki hér í Eyjum til að vera með.  Við viljum því hvetja öll fyrirtæki og stofnanir bæjarins til að kynna sér þetta verkefni og taka þátt í fjörinu.

Gaman væri t.d. ef fyrirtæki myndu skora hvort á  annað í keppni.  Nú er bara að fara að huga að hjólinu og gera það klárt fyrir keppnina.

Nánari upplýsingar um ?Hjólað í vinnuna" er að finna á isisport.is

Ólöf A. Elíasdóttir íþrótta- og æskulýðsfulltrúi

Fæðslu- og menningarsvið Vestmannaeyja.