|
Fundinn sátu: Erlingur Guðbjörnsson formaður, Sæunn Magnúsdóttir varaformaður, Arnar Richardsson aðalmaður, Rannveig Ísfjörð aðalmaður, Ríkharður Zoega Stefánsson 2. varamaður, Dóra Björk Gunnarsdóttir starfsmaður sviðs, Brynjar Ólafsson framkvstj.sviðs. |
|
Fundargerð ritaði: Brynjar Ólafsson, framkvæmdastjóri umhverfis- og framkvæmdasviðs |
|
Dóra Björk vék af fundi eftir dagskrárlið 4 |
|
|
Almenn erindi |
1. 200910001 - Stórskipakantur, athuganir og rannsóknir |
Bæjarstjórn tilnefndi á fundi nr. 1593 þau Njál Ragnarsson, Eyþór Harðarson og Jónu Sigríði Guðmundsdóttir til að sitja í starfshóp. Fyrir hafði framkvæmda- og hafnarráð skipað formann og varaformanns ráðsins í starfshópinn. Starfsmenn hópsins verða Brynjar Ólafsson og Dóra Björk. Hlutverk hópsins verður að fara yfir skýrslu EFLU þar sem þörf samfélagsins á stórskipakanti var greind. |
Niðurstaða Framkvæmda- og hafnarráð skipar starfshóp samkvæmt ofangreindum tilnefningum. Til stendur að hópurinn hefji störf 3. apríl og skili af sér drögum til framkvæmda- og hafnarráðs 1. júní 2023. |
|
|
|
2. 202303161 - Ársreikningur Vestmannaeyjahafnar 2022 |
Hafnarstjóri fór yfir ársreikning Vestmannaeyjahafnar árið 2022. Fram kom að rekstrartekjur ársins námu 635 millj.kr. og afkoma ársins var jákvæð sem nemur 170 millj.kr. |
Niðurstaða Ráðið samþykkir fyrirliggjandi ársreikning og vísar honum til síðari umræðu í Bæjarstjórn Vestmannaeyja. |
Hafnarsjóður 2022.pdf |
|
|
|
3. 202301030 - Skipun starfshóps til að yfirfara verkferla varðandi ráðningu Hafnarstjóra |
Á fundi framkvæmda- og hafnarráðs 12. janúar var skipað í starfshóp til að yfirfara verkferla varðandi ráðningu Hafnarstjóra. Formaður ráðsins fór yfir tillögur starfshópsins.
Starfshópur sem skipaður var af framkvæmda- og hafnarráði til þess að endurskoða verkferla við ráðningu hafnarstjóra leggur til eftirfarandi viðbót við verklagsreglur Vestmannaeyjabæjar við ráðningar.
"Við ráðningu hafnarstjóra sbr. 4. gr. hafnarreglugerðar fyrir Vestmannaeyjahöfn nr. 1030/2012, þar sem kveðið er á um að hafnarstjórn, sem í tilviki Vestmannaeyjahafnar er framkvæmda- og hafnarráð, skipi hafnarstjóra, skal hafnarstjórn koma að undirbúningi, mati og ákvörðun um ráðningu. Þetta á auk þess við um ráðningu hafnsögumanna sbr. 4 mgr. 12. gr. laga um vaktstöð siglinga nr. 41/2003. Þar er kveðið á um að hafnarstjórn ráði hafnsögumenn
Ráðningar eru stjórnvaldsákvarðanir og um þær gilda stjórnsýslulög nr. 37/1993. Til þess að tryggja ákvæði um rannsóknarreglu stjórnsýslulaga, sbr. 10 gr. og önnur ákvæði stjórnsýslulaganna, er nauðsynlegt að skilgreint veitingavald komi að undirbúning, mati og ráðningu á starfsfólki. Í tilviki hafnarstjóra og hafnsögumanna er nauðsynlegt að framkvæmda- og hafnarráð komi að ráðningum."
|
Niðurstaða Framkvæmda- og hafnarráð leggur til meðfylgjandi breytingar á orðalagi á verklagsreglum um ráðningar hjá Vestmannaeyjabæ vegna ráðningar hafnarstjóra og hafnsögumanna hjá Vestmannaeyjahöfn, sbr. erindi af fundi framkvæmda- og hafnarráðs 284. Framkvæmda- og hafnarráð samþykkir tillögu starfshópsins og vísar málinu til ákvörðunar bæjarráðs. |
|
|
|
4. 200804055 - Trúnaðarmál lögð fyrir framkvæmda- og hafnarráð |
Trúnaðarmál eru færð í sérstaka fundargerð trúnaðarmála |
|
|
|
5. 202303163 - Ársskýrsla Slökkviliðs Vestmannaeyja - 2022 |
Friðrik Páll Arnfinsson slökkviliðsstjóri kynnti ársskýrslu Slökkviliðs Vestmannaeyja fyrir árið 2022. |
Niðurstaða Ráðið þakkar kynningu slökkviliðsstjóra og samþykkir ársskýrsluna. |
Ársskýrsla 2022.pdf |
|
|
|
6. 202303164 - Slökkvilið Vestmannaeyja - Kynning |
Friðrik Páll Arnfinsson slökkviliðsstjóri kynnti starfsemi Slökkviliðs Vestmannaeyja. |
Niðurstaða Ráðið þakkar kynninguna. |
|
|
|
|
|
Fleira ekki gert. Fundi slitið kl. 17:46 |