Sendiherra og konsúll Póllands í heimsókn í Eyjum
Um síðast liðna helgi komu sendiherra Póllands, Gerard Pokruszyński og Łukasz Winny konsúll.
Þeir komu hingað til að sinna ýmis konar þjónustu við pólskættaða íbúa Vestmannaeyja. Um 20 manns nýttu sér þjónustuna og vonir standa til að heimsókn sem þessi verði að reglulegum viðburði.
Sendiherrann og konsúllinn voru mjög ánægðir með ferðina en þeir gistu eina nótt á Hótel Vestmannaeyjum, borðuðu hjá Einsa kalda og á Kránni, skoðuðu Byggðasafnið og Eldheima auk þess sem farið var með þá í útsýnisferð um Eyjuna áður en þeir héldu heim. Sendiherrann færði Bókasafni Vestmannaeyja bókagjöf og eru það að mestu barnabækur á pólsku. Við það stækkar bókakosturinn á pólsku töluvert og það er mikil eftirvænting hjá starfsfólki Bókasafnsins að koma bókunum upp í hillu og til útláns. Við þökkum kærlega fyrir þessa góðu gjöf og vonumst til að þessir heiðursmenn komi aftur til Eyja fyrr en seinna.
