Mikilli úrkomu, hita og asahláku spáð á morgun föstudag
Vestmannaeyjabær hvetur alla íbúa til þess að gera ráðstafanir við heimili sín og fyrirtæki vegna þeirrar úrkomu, hita og asahláku sem spáð er n.k. föstudag.
Mikilvægt er að hreinsa vel frá niðurföllum (bæði þeim sem eru við húsin sem og næstu niðurföllum úti í götu), hurðum, kjallaratröppum og öllum þeim stöðum þar sem hætta er á að vatn geti safnast saman.
Hafa ber í huga að tryggingar bæta sjaldnast það tjón sem verður vegna utanaðkomandi vatns.
Staðsetningu á a.m.k. hluta af þeim niðurföllum sem eru í fráveitukerfi bæjarins má sjá inni á kortavef Vestmannaeyjabæjar undir fráveita https://map.is/vestm/