Nýtt deiliskipulag fyrir athafnasvæði AT-3 við flugvöll í Vestmannaeyjum
Bæjarstjórn Vestmannaeyja samþykkti 15. apríl 2021 að auglýsa deiliskipulagstillögu fyrir athafnasvæði AT-3 við flugvöll skv. 1 mgr. 41. gr. Skipulagslaga nr. 123/2010. Um er að ræða nýtt deiliskipulag sem gerir ráð fyrir 17 lóðum fyrir létta atvinnu- og athafnastarfsemi.
Lögð er áhersla á fjölbreytt framboð lóða; lóðir eru frá 435 – 1400 m2 og stærð byggingareita frá 240 – 1200 m2. Á deiliskipulagssvæðinu eru byggingarreitir staðsettir, meðfram Dalavegi og skerma þannig sýn inn á athafnasvæði lóðanna. Settir eru ítarlegir skilmálar til að stuðla að snyrtilegri ásýnd svæðisins t.a.m. um frágang lóða, umgengni, ásýnd girðinga, afmörkun geymslusvæða og lýsingu.
Skipulagsgögn eru til sýnis hjá Umhverfis- og framkvæmdasviði á Skildingavegi 5, frá og með 1. maí 2021 til og með 12. júní 2021 og má einnig finna í skipulagsgátt á vefsíðu sveitafélagsins (http://vestmannaeyjar.is/thjonusta/skipulag/skipulagsmal-i-kynningarferli).
Eru þeir sem telja sig eiga hagsmuna að gæta hvattir til að kynna sér gögnin. Ábendingum og athugasemdum við tillöguna þarf að skila skriflega eigi síðar en 12. júní 2021 í afgreiðslu Umhverfis- og framkvæmdasviðs Skildingavegi 5, eða á netfangið dagny@vestmannaeyjar.is
