Skipulags- og umhverfisfulltrúi

Hægt er að nálgast mál sem eru í kynningarferli inn á Skipulagsgáttinni. Skipulagsgáttin er samráðsgátt um skipulagsmál, mat á umhverfisáhrifum og framkvæmdaleyfi. Þú getur nálgast upplýsingar um mál í vinnslu, gert athugasemdir við mál á kynningartíma og nálgast endanleg gögn og afgreiðslur þar inni.
Óskir þú eftir frekari upplýsingum um skipulagsmál í Vestmannaeyjum sem eru í kynningu getur þú sent póst á umhverfissvid@vestmannaeyjar.is.

• Byrjaðu á því að skrá þig inn á íbúagátt Vestmannaeyjabæjar með rafrænum skilríkjum
• Smelltu á “Umsóknir”
• Smelltu á “Umhverfis- og framkvæmdasvið”
• Smelltu á þá fyrirspurn eða umsókn sem við á
• Fylltu út skjalið og hengdu við viðeigandi fylgiskjöl
• Smelltu á „senda umsókn“

• Öll sem áhuga hafa á skipulagi í Vestmannaeyjum geta sent inn fyrirspurnir til embættis skipulagsfulltrúa.
• Húseigendur og lóðarhafar, eða ráðgjafi fyrir þeirra hönd, geta sótt um að gera breytingu á aðalskipulagi, nýtt deiliskipulag og/eða gera breytingu á gildandi deiliskipulagi.

• Þær geta varðað starfsemi og notkun. Fjallað er um landnotkun í aðalskipulagi eins og hvort um sé að ræða íbúðarbyggð, opin svæði eða mismunandi atvinnusvæði. Misjafnt er hvort fjallað um starfsemi í deiliskipulagi en þá er oft nákvæmari lýsing á starfsemi í tilteknu húsnæði. 
• Nýtt eða breyting á deiliskipulagi einstakra svæða.
• Breyting á aðalskipulagi.
• Aukið byggingarmagn, hækkun húsa eða breyting á lóð. 
• Breyting og staðsetning á einstaka starfsemi. 
• Niðurrif bygginga og annarra mannvirkja. 
• Breytingar á húsnæði til dæmis hvað varðar svalir, kvisti, sólstofur o.s.frv.
• Breyting á fjölda eða fyrirkomulagi bílastæða.
• Breytingar á sorpi.

Að breyta deiliskipulagi tekur minnst 3 mánuði. Deiliskipulagstillögu þarf að skila inn til Skipulagsfulltrúa. Tillagan fer fyrir umhverfis- og skipulagsráð sem tekur ákvöruðun um hvort deiliskipulagsbreytingin verði auglýst eða grenndarkynnt, ef vilji er fyrir breytingunni. Umhverfis- og skipulagsráð vísar erindinu til bæjarstjórnar til samþykktar eða synjunar. Deiliskipulagið er sent til Skipulagsstofnunar til yfirferðar sem veitir heimild til að birta auglýsingu um gildistöku í B-deild Stjórnartíðinda.

Grenndarkynning felst í því að nágrönnum, sem hagsmuna eiga að gæta, er kynnt málið/breytingar og gefinn kostur á að tjá sig innan ákveðins frests sem skal vera a.m.k. fjórar vikur. Að þeim fresti liðnum tekur umhverfis- og skipulagsráð málið til afgreiðslu.

Framkvæmdaleyfi er leyfi sveitarstjórnar til meiriháttar framkvæmda sem hafa áhrif á umhverfið og breyta ásýnd þess, svo sem breytingar lands með jarðvegi eða efnistöku sem og annarra framkvæmda sem falla undir lög um mat á umhverfisáhrifum. Framkvæmdaleyfi er aðeins gefið út ef það er í samræmi við skipulag. Unnt er að veita framkvæmdaleyfi á grundvelli aðalskipulags án deiliskipulagsgerðar eða grenndarkynningar, ef gerð er grein fyrir framkvæmdinni og fjallað ítarlega um hana í aðalskipulagi sveitarfélagsins. Að öðrum kosti kallar veiting framkvæmdaleyfis á að jafnframt liggi fyrir deiliskipulag af viðkomandi svæði. Gildistími framkvæmdaleyfa er 12 mánuðir frá samþykki sveitarstjórnar.

Inn á kortasjá Vestmannaeyjabæjar undir flipanum “Skipulag”. Einnig er hægt að finna gildandi skipulög inn á skipulagsvefsjá hjá Skipulagsstofnun.