Vestmannaeyjabær auglýsir lausar til umsóknar lóðir við Hvítingaveg 7-13 og Skólaveg 21c
Vestmannaeyjabær auglýsir lausar til umsóknar lóðir við Hvítingaveg 7-13 og Skólaveg 21c á breyttu deiliskipulagssvæði miðbæjar, Hvítingavegur og Skólavegur. Um er að ræða 4 lóðir fyrir einbýlishús við Hvítingaveg og eina fyrir tvíbýli sunnan við Alþýðuhúsið.
Lóðirnar við Hvítingaveg eru 272 m2 að stærð og byggingarmagn 150-220m2. Byggingarnar geta verið 1 hæð og kjallari eða 2 hæðir og kjallari.
Lóðin við Skólaveg er 376 m2 og byggingarmagn 120-220 m2. Gert er ráð fyrir allt 2 hæðum og risi. Fjöldi íbúða 1-2.
Eftirfarandi verð er sett á lóðirnar:
- Skólavegur 21c, samtals 2 m.kr.
- Hvítingavegur 7, samtals 5 m.kr..
- Hvítingavegur 9, samtals 5 m.kr.
- Hvítingavegur 11, samtals 4 m.kr.
- Hvítingavegur 13, samtals 4 m.kr.
Einungis er um að ræða byggingarétt. Önnur gjöld eins og tengigjöld, gatnagerðargjöld, eftirlitsgjöld, eða annað sem almennt fellur til við úthlutun lóða og byggingarleyfis, eru ekki innifalin í tillögunum.
Lóðir og byggingarreitir eru sýndar á deiliskipulagsuppdrætti. Umsækjendum er bent á að kynna sér vel skilmála í greinagerð deiliskipulagsins. Vakin er athygli á nýjum vinnureglum við lóðaúthlutun hjá Vestmannaeyjabæ.
Gögn með umsókn:
Um auglýsingu og úthlutun lóða gilda vinnureglur um úthlutun lóða í Vestmannaeyjum. Í reglunum eru tilgreindar kröfur til umsækjenda. Umsækjendur skulu skila inn yfirlýsingu banka greiðsluhæfni.
Skipulags- og byggingaskilmála má finna í viðhengi “deiliskipulagsuppdráttur” hér að neðan.
Lóðirnar eru afhentar í núverandi ásigkomulagi. Frágangur gatna mun fara fram samhliða uppbyggingu á lóðum.
Umsóknarfrestur er til og með 1. september 2022.
Vinnureglur við úthlutun byggingarlóða
