Tökur á kvikmyndinni Wolka í Vestmannaeyjum
Kæru íbúar í Vestmannaeyjum
Í ágúst er áætlað að kvikmyndagerðarfólk á vegum Sagafilm og Film Produkcja hefji tökur á pólsk/íslensku spennukvikmyndinni Wolka í leikstjórn Árna Ólafs Ásgeirssonar.
Wolka fjallar um konu sem losnar úr fangelsi í Póllandi á reynslulausn og ferðast til Íslands, sest að í Vestmannaeyjum og gerir sitt besta til að aðlagast pólska og íslenska samfélaginu í Eyjum. Helstu leikarar eru Olga Bołądź, Eryk Lubos, Bartek Topa, Anna Moskal og Guðmundur Þorvaldsson.
Það er mikilvægt fyrir okkur hjá Sagafilm að eiga í góðu samstarfi við ykkur íbúana og er okkur jafnframt mikilvægt að þið verðið fyrir sem minnstum óþægindum vegna starfs okkar á svæðinu. Það fylgir svona tökum gjarnan umstang eins og gefur að skilja, en við munum að sjálfsögðu reyna að halda því í lágmarki eins og kostur er. Ef eitthvað kemur upp, þá vinsamlegast hafið samband við okkur og við munum reyna að bregðast við á sem bestan hátt.
Með vinsemd, virðingu og von um gott samstarf.
Sagafilm
Film Produkcja
https://filmprodukcja.com/
Olga Bołądź https://www.imdb.com/name/nm2848201/
Eryk Lubos
https://www.imdb.com/name/nm1455087
Bartek Topa
https://www.imdb.com/name/nm0867603
Anna Moskal
https://m.imdb.com/name/nm3185584
Guðmundi Þorvaldsson
https://www.imdb.com/name/nm0960389
Frekari upplýsingar veitir:
Beggi Jónsson – framleiðandi beggi@sagafilm.is – sími
Árni Þórður Randversson – markaðsstjóri Sagafilm arnirandvers@sagafilm.is