Samstarfssamningur Vestmannaeyjabæjar og Golfklúbbs Vestmannaeyja
Í gær, þriðjudaginn 10. maí sl., undirrituðu þau Íris Róbertsdóttir, bæjarstjóri og Sigursveinn Þórðarson, stjórnarformaður Golfklúbbs Vestmannaeyja, tveggja ára samstarfssamning um útfærslu íþróttastarfs í Golfklúbbi Vestmannaeyja og aðra þjónustu sem klúbburinn mun veita.
Megináhersla með samningnum er á skipulagt íþróttastarf fyrir börn og unglinga undir leiðsögn vel menntaðra og hæfra leiðbeinenda, en jafnframt á keppnis- og afreksíþróttafólk. Vestmannaeyjabær mun með samningi þessum styðja við fjárhagslegan rekstrar- og starfsgrundvöll félagsins með beinum fjárframlögum, sem og fjárfestingu í uppbyggingu golfskálans. Með því verður öll aðstaða golfklúbbsins bætt til muna.
