Sálfræðingur óskast
Vestmannaeyjabær auglýsir eftir sálfræðingi til starfa hjá fjölskyldu- og fræðslusviði Vestmannaeyjabæjar. Um er að ræða 100% stöðu. Starfið er á sviði skóla, félags- og barnaverndarþjónustu.
Starfssvið sálfræðings
• Ráðgjöf til foreldra barna og starfsfólks leik- og grunnskóla.
• Sálfræðilegar athuganir, viðtöl og greiningar á börnum, ráðgjöf og eftirfylgd mála.
• Þverfaglegt samstarf við sérfræðinga innan og utan fjölskyldu- og fræðslusviðs.
• Fræðsla fyrir foreldra, nemendur og starfsfólk skóla.
• Ráðgjöf og meðferð fyrir fjölskyldur og börn sem njóta þjónustu barnaverndar og félagsþjónustu.
Sálfræðingur vinnur í þverfaglegu samstarfi við starfsfólk skóla, starfsfólk félags- og barnaverndarþjónustu og aðra sérfræðinga.
Menntunar- og hæfniskröfur
• Sálfræðimenntun og réttindi til að starfa sem sálfræðingur
• Sjálfstæði í vinnubrögðum
• Góðir skipulagshæfileikar
• Færni í mannlegum samskiptum
• Hæfni í þverfaglegu samstarfi
____________________________________________________________________________
Með umsókn skal fylgja ítarleg ferilsská með nöfnum tveggja umsagnaraðila. Einnig skal fylgja greinargerð með rökstuðningi um hæfni í starfið. Þeir aðilar sem eru ráðnir á fjölskyldu- og fræðslusvið Vestmannaeyjabæjar þurfa að veita heimild til að leitað sé upplýsinga úr sakaskrá hjá Ríkissaksóknara.
Umsóknarfrestur fyrir starfið er til og með 15. október 2024.
Nánari upplýsingar veita: Jón Pétursson, framkvæmdastjóri fjölskyldu- og fræðslusviðs Vestmannaeyjabæjar, jonp@vestmannaeyjar.is.Vestmannaeyjabær hvetur öll áhugasöm til að sækja um starfið óháð kyni. Öllum umsóknum verður svarað þegar ákvörðun um ráðningu liggur fyrir. Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.
