Innleiðing á nýju flokkunarkerfi
Haustið 2023 verður innleitt nýtt flokkunarkerfi í Vestmannaeyjum þar sem fjórum úrgangsflokkum verður safnað við hvert heimili.
Innleiðing á nýju flokkunarkerfi mun hefjast haustið 2023 í Vestmannaeyjum þar sem fjórum úrgangsflokkum verður safnað við hvert heimili. Flokkunum fylgja samræmdar merkingar FENÚR sem munu gilda fyrir alla flokkun á Íslandi, allar tunnur fá því nýjar límmiðamerkingar. Um er að ræða stórt framfaraskref í umhverfis- og loftslagsmálum. Flokkað verður í eftirfarandi flokka:
- Matarleifar
- Pappír og pappi
- Plastumbúðir
- Blandaður úrgangur
Nýja flokkunarkerfið er fjögurra flokka kerfi. Hlutverk endurvinnslu tunnunnar breytist og í hana fer aðeins pappír og pappi. Íbúar fá því nýja tunnu, merkta fyrir plast. Með því að flokka pappa og plast í sitt hvora tunnuna, næst betri flokkun en með einni tunnu þar sem flokkarnir blandast saman.
