Góð gjöf frá Kiwanisklúbbnum Helgafelli
Sem barst á dögunum til dagdvalarinnar Bjargsins
Kiwanisklúbburinn Helgafell afhenti nýverið Bjarginu á Hraunbúðum rausnarlega gjöf í formi fjögurra nýrra stillanlegra vinnuborða sem munu nýtast eldri borgurum sem sækja dagdvölina í daglegu starfi.
Gjöfin er liður í áframhaldandi stuðningi Kiwanisklúbbsins við samfélagið, þar sem lögð er áhersla á að efla aðstöðu barna, ungmenna og fjölskyldna. Vinnuborðin munu bæta vinnuaðstöðu í þjónustu Bjargsins og stuðla að aukinni vellíðan og skilvirkni í verkefnum dagsins.
Fulltrúar Bjargsins þökkuðu Kiwanisklúbbnum Helgafelli fyrir stuðninginn og sögðu gjöfina koma sér afar vel, enda væri þörf fyrir uppfærslu á húsbúnaði. Slíkur stuðningur hafi mikil og jákvæð áhrif á starfsemina.
Vestmannaeyjabær þakkar Kiwanisklúbbnum innilega fyrir gjöfina.
