Hegðunarráðgjafi hjá skólaþjónustu Vestmannaeyjar

Vestmannaeyjabær óskar eftir að ráða hegðunarráðgjafa hjá skólaþjónustu Vestmannaeyja í 100% starf. Um afleysingarstarf er að ræða í eitt ár.

Hegðunarráðgjafi starfar í þverfaglegu samstarfi við kennsluráðgjafa, sérkennsluráðgjafa, sálfræðing, deildarstjóra fræðslu- og uppeldismála, umsjónarþroskaþjálfa, starfsfólk leik- og grunnskóla, velferðarþjónustu og aðra sérfræðinga. Hegðunarráðgjafi veitir faglega ráðgjöf og stuðning í málefnum sem tengjast hegðun, líðan og félagsfærni barna og/eða ungmenna. Markmið starfsins er að efla jákvæða hegðun, bæta samskipti og stuðla að öruggu og styðjandi umhverfi.

 

Helstu verkefni:

• Veita ráðgjöf til starfsfólks, stjórnenda og foreldra vegna hegðunar- og samskiptavanda
• Greina hegðunaráskoranir og taka þátt í gerð einstaklings- og stuðningsáætlana
• Styðja við innleiðingu jákvæðrar hegðunarstjórnunar
• Vinna með börnum/ungmennum í einstaklings- eða hópastarfi eftir þörfum
• Taka þátt í teymisvinnu með öðrum sérfræðingum
• Fræða starfsfólk og foreldra um hegðun, líðan og forvarnir
• Fylgja eftir málum og meta árangur íhlutunar
• Halda skráningu og vinna samkvæmt lögum um persónuvernd

• Taka þátt í stefnumótun og þróunarstarfi stofnunar

   

Menntun og hæfnikröfur:

• Háskólapróf í sálfræði, atferlisfræði, uppeldisfræði eða sambærilegum greinum.
• Meistarapróf í hagnýtri atferlisgreiningu er kostur.
• Þekking og reynsla af því að vinna með BeanFee.
• Þekking og reynsla að nota ABLLS-R.
• Lipurð og sveigjanleiki í samskiptum.
• Frumkvæði, sjálfstæð vinnubrögð og skipulagshæfni.
• Góð íslenskukunnátta og hæfni til að tjá sig í ræðu og riti.

• Góð enskukunnátta og færni í öðrum tungumálum kostur.

   

Frekari upplýsingar um starfið:

Laun eru samkvæmt gildandi kjarasamningi SÍS og viðkomandi stéttarfélags.

Umsækjendur eru beðnir um að skila inn umsókn á íbúagátt Vestmannaeyjabæjar.

Með umsókn skal fylgja kynningarbréf og menntunar-og starfsferilsskrá.

Hreint sakavottorð er skilyrði.

Hvatning er til allra áhugasamra einstaklinga, óháð kyni, til að sækja um starfið skv. lögum um jafna stöðu og jafnan rétt kynjanna nr 150/2020.

Gert er ráð fyrir að viðkomandi hefji störf sem fyrst.

Umsóknarfrestur er til og með 10. júní 2026.

Nánari upplýsingar veitir Helga Sigrún Þórsdóttir, deildarstjóri fræðslu- og uppeldismála helgasigrun@vestmannaeyjar.is