Laus störf

Vestmannaeyjabær auglýsir laust til umsóknar starf deildarstjóra launadeildar á stjórnsýslu- og fjármálasviði. Um er að ræða 100% starf.

Skráning í Vinnuskólann sumarið 2026 opnar þriðjudaginn 28. apríl kl. 8.00 og lýkur föstudaginn 8. maí kl. 16.00. Skráning fer fram í gegnum Abler. Vinnuskóli Vestmannaeyjabæjar er starfræktur yfir sumarmánuðina. Öll ungmenni fædd 2010-2013 með lögheimili í Vestmannaeyjum geta sótt um í Vinnuskólanum. Misjafnt er hversu langt tímabil hver árgangur fær, frekari upplýsingar um það eru hér fyrir neðan. Unglingum er skipt í hópa og hefur hver hópur sinn flokkstjóra. Reynt er að hafa verkefnin sem fjölbreyttust en sem fyrr eru garðyrkjustörf og almenn umhirða bæjarfélagsins langstærsti þátturinn í vinnuskólanum. Hægt er að óska eftir því að starfa hjá Kirkjugerði, Sóla, Víkinni og Sumarfjöri (frístund) ef áhugi er á að vinna með börnum. Takmarkaður fjöldi kemst að í þau verkefni og verður þeim störfum úthlutað eftir að umsóknarfresti lýkur. Eldri árgangar ganga fyrir í þessi störf. Ráðningar í störf hjá ÍBV og GV fara beint í gegnum félögin.

Vestmannaeyjabær auglýsir laust til umsóknar starf safnvarðar í Safnahúsi. Um er að ræða 100% starf. Vinnutími er hefðbundinn dagvinnutími, auk tilfallandi vinnu um helgar þegar þörf er á.

Vestmannaeyjabær auglýsir laust til umsóknar starf garðyrkjustjóra í þjónustumiðstöðina. Um er að ræða 100% starf sem unnið er á dagvinnutíma frá kl. 8 - 16 virka daga.