Verkfallsboðunin á við um félagsmenn á bæjarskrifstofum Vestmannaeyja í Ráðhúsinu, leikskólanum Kirkjugerði, Þjónustumiðstöð, Íþróttamiðstöðinni og hjá Vestmannaeyjahöfn.
- Vinnustöðvanir hófust í dag mánudaginn 5. júní og standa mislengi yfir eftir stofnunum..
- Á leikskólanum Kirkjugerði eru vinnustöðvanir boðaðar til 5. júlí nk.
- Á bæjarskrifstofunum í Ráðhúsinu er jafnframt vinnustöðvanir boðaðar til 5. júlí nk.
- Ótímabundin vinnustöðvun félagsmanna hefur verið boðuð í Íþróttamiðstöðinni.
- Í tilviki Þjónustumiðstöðvarinnar eru vinnustöðvanir boðaðar til 17. júní nk. náist ekki samningar á tímabilinu.
- Hjá Vestmannaeyjahöfn er um að ræða einn dag á þessu tímabili, 8. júní nk.
Í tilviki bæjarskrifstofanna verður afgreiðslan í Ráðhúsinu lokuð á meðan verkfallið stendur og önnur þjónusta skert. Hægt verður að hringja í síma 488-2000, en búast má við að verkfallið hafi áhrif á símsvörun.
Hægt er að hafa samband með tölvupósti á netfangið postur@vestmannaeyjar.is og eins með tölvupósti til einstakra starfsmanna. Upplýsingar um netföng starfsfólks er að finna á vefsíðu Vestmannaeyjabæjar (sjá: Starfsfólk Vestmannaeyjabæjar | Starfsfólk | Vestmannaeyjarbær).
Leikskólastjóri Kirkjugerðis mun senda foreldrum leikskólabarna á Kirkjugerði tilkynningu um þjónustu leikskólans meðan á verkfalli stendur.
Jóhann Jónsson, forstöðumaður Þjónustumiðstöðvar, mun svara fyrir um þjónustustig þar í verkfalli. Netfang Jóhanns er joi@vestmannaeyjar.is.
Hákon Helgi Bjarnason, forstöðumaður Íþróttamiðstöðvar (netfang: hakon@vestmannaeyjar.is) munu senda upplýsinga um og svara fyrir um þjónustu Íþróttamiðstöðvarinnar meðan á verkfallsaðgerðum stendur.
Angantýr Einarsson, framkvæmdastjóri stjórnsýslu- og fjármálasviðs (netfang: angantyr@vestmannaeyjar.is) mun svara fyrir um starfsemi bæjarskrifstofanna í Ráðhúsinu meðan á verkfalli stendur.