Tilgangur og markmið starfsins er þróun, samhæfing, eftirlit og sérhæfing í málaflokki öldrunarmála í samráði við framkvæmdastjóra sviðs og í samræmi við stefnumótun sveitarfélagsins, leiðarljós og markmið fjölskyldu- og fræðslusviðs. Áhersla er lögð á sérhæfingu varðandi málaflokk aldraðs fólks og öldrunarþjónustu.
Helstu verkefni verkefnastjóra:
· Hafa umsjón með og/eða taka þátt í þróunar- og stefnumótunarverkefnum innan málaflokks öldrunarþjónustu.
· Innleiða, endurskoða og kynna reglur/verklagsreglur í málaflokki öldrunarmála.
· Stjórnun og samræming vinnu í öldrunarþjónustu skv. nánari samkomulagi við yfirmann sviðs.
· Stjórnun og umsjón með þarfagreiningu í öldrunarþjónustu fjölskyldu- og fræðslusviðs
· Ráðgjöf, stuðningur og miðlun upplýsinga til þjónustuþega, stjórnenda og starfsmanna sviðsins.
· Kynning og fræðsla í málaflokki öldrunarmála
· Önnur verkefni innan málaflokks öldrunarmála sem starfsmanni kunna að vera falin af yfirmanni
Menntun og hæfniskröfur
· Háskólamenntun á sviði félags-, mennta- og/eða heilbrigðismála
· Reynsla af starfi innan málaflokksins
· Áhugi og þekking á öldrunarþjónustu
· Sjálfstæði og frumkvæði í starfi
· Góð samskipta- og skipulagshæfni
· Fjölbreytt tölvukunnátta
· Gott val á íslensku og færni í ræðu og riti
· Hæfni í þverfaglegu samstarfi
· Hreint sakavottorð í samræmi við lög
Viðkomandi Þarf að geta hafið störf sem fyrst. Launakjör eru samkvæmt gildandi kjarasamningum við Samband íslenskra sveitarfélaga.
Upplýsingar um starfið veitir Jón Pétursson, framkvæmdastjóri fjölskyldu- og fræðslusviðs Vestmannaeyjabæjar. Netfang: jonp@vestmannaeyjar.is eða í síma 488 2000.
Umsóknarfrestur er til og með 25. maí 2021
Umsækjendur eru beðnir um að skila inn umsóknum á netfangið jonp@vestmannaeyjar.is. Með umsókn þarf að fylgja ferilsskrá um fyrri störf og menntun ásamt kynningarbréfi þar sem gerð er grein fyrir ástæðu umsóknar og rökstuðningi fyrir hæfni í starfið.
Hvatning er til allra áhugasama einstaklinga, óháð kyni, til að sækja um starfið skv. lögum um jafna stöðu og jafnan rétt kynjanna nr 150/2020 og lögum um kynrænt sjálfræði nr. 80/2019.