- Fundur: Umhverfismál fiskvinnslufyrirtækja í Eyjum
- Staður: Umhverfis-og framkvæmdasvið, Tangagötu 1.
- Tími: Fimmtudaginn 15. júní kl: 13:30-15:07
- Fyrir hverja: Forsvarsmenn og framleiðslustjóra fiskvinnslufyrirtækja og aðila þeim tengdum.
- Tilgangur: Aukin umhverfisvitund leiðir til aukins hagræðis fyrir umhverfi og rekstur.
- Fundartími er háður flugsamgöngum
Vestmannaeyjabær býður forsvarsmönnum fiskvinnslufyrirtækja og tengdum aðilum til fundar um umhverfismál í fiskvinnslufyrirtækjum. Fundurinn verður haldinn á Umhverfis- og framkvæmdasviði Vestmannaeyjabæjar að Tangagötu 1, kl: 13:30-15:07.
Á fundinn koma Stefán Freyr Einarsson Msc.og dr. Árni Geirsson frá ráðgjafarfyrirtækinu Alta og fjalla um umhverfismál fyrirtækja, með sérstaka áherslu á fiskvinnslufyrirtæki.
Alta hefur talsverða þekkingu og reynslu á þessu sviði og hefur m.a. nýverið haft umsjón með verkefni í Grundarfirði þar sem meistaranemar við alþjóðlega umhverfisstofnun Lundarháskóla unnu úttekt á fráveitu- og úrgangsmálum í sjávarútvegsfyrirtækjum. Verkefnið var unnið fyrir fimm sjávarútvegsfyrirtæki, Grundarfjarðarhöfn og Grundarfjarðarbæ . Á fundinum verður m.a. sagt frá þessu verkefni.
Markmið fundarins er að koma á umræðum milli fyrirtækja og bæjarins í þeirri von að af því spretti samstarf, stuðningur, eða hvatning fyrir alla hlutaðeigandi, eftir því sem við á varðandi þætti sem lúta að umhverfinu, enda eru umhverfismál mikið hagsmunamál bæjarins og fyrirtækja í matvælaframleiðslu.
Rætt verður m.a. um fráveitumál: sorpmál: vatnsnotkun og orkunotkun.
Vinsamlegast sendið áfram til þeirra sem þið teljið eiga erindi á fundinn. Og hafið samband við undirritaðan ef einhverjar spurningar vakna.
Með vinsemd og virðingu
Frosti Gíslason
framkvæmdastjóri Umhverfis-og framkvæmdasviðs Vestmannaeyjabæjar