Auglýsing um umferð í Vestmannaeyjum
Að fenginni samþykkt bæjarstjórnar Vestmannaeyja og samkvæmt heimild í 81. gr. umferðarlaga nr. 50 frá 1987 eru hér með settar eftirfarandi reglur um umferð í Vestmannaeyjum:
- Bannað verði að leggja bifreiðum við gangstétt á Vestmannabraut frá gatnamótum Kirkjuvegar og Vestmannabrautar austur að lóðamörkum Vestmannabrautar 10 og 13a.
- Þrjú bifreiðastæði verði austanmegin á Kirkjuvegi vestan við bankann með 15 mínútna tímatakmörkun.
- Gangbraut verði á Vestmannabraut á móts við hús KFUM og K.
- Hilmisgata verði vistgata frá Kirkjuvegi að Vestmannabraut með hámarkshraða 15 km/klst.
- Hraðahindrun verði á Höfðavegi á móts við Olnboga.
- Stöðvunarskylda verði á Illugagötu gagnvart umferð á Höfðavegi.
- Gangbrautir verði á gatnamótum Höfðavegar og Illugagötu.
- Bárustígur verði vistgata frá gatnamótum Vestmannabrautar að Vesturvegi.
- Bifreiðastöður verði bannaðar við gangstétt frá Bárustíg 9 að Strandvegi.
- Einstefna verði á Ásavegi til vesturs frá gatnamótum frá Helgafellsbraut að Kirkjuvegi.
- Hámarkshraði á Ásavegi frá gatnamótum við Helgafellsbraut að Kirkjuvegi verði 30 km/klst.
Með auglýsingu þessari eru numin úr gildi þau ákvæði eldri auglýsinga um umferð í Vestmannaeyjum sem brjóta í bága við auglýsingu þessa.
Ákvörðun þessi tekur þegar gildi.
Sýslumaðurinn í Vestmannaeyjum, 6. apríl 2006.
Karl Gauti Hjaltason.