Það hefur verið margt að gerast hjá okkur í dagdvölinni undanfarna daga og vikur

Fólkið okkar sem og starfsfólk hafa sýnt óbilandi þolinmæði er varða þessar breytingar en þau mæta ávallt með bros á vör og láta lætin ekki stoppa sig. Starfsemin okkar er enn á sínum stað er varðar virkni og höfum við átt í nægu að snúast. Við förum í virkni minnst tvisvar á dag en þar erum við í góðu samstarfi við iðjuþjálfa sem starfar hjá Vestmanneyjabæ og skipuleggur virkni sem dagdvalarfulltrúinn okkar sinnir ásamt starfsfólki. Leikfimin okkar er á sínum stað en við förum í leikfimi einu sinni á dag og heitu bakstrarnir eru á sínum stað við mikla ánægju. Breytingarnar á aðstöðunni hjá okkur gera okkur kleift að bæta starfsemina okkar til muna og getum við ekki beðið eftir því að taka öll rýmin í notkun og bjóða bæjarbúum að koma og skoða hjá okkur aðstöðuna og starfsemina.