Umsóknarfrestur rennur út næstkomandi föstudag 30. mars.
Menningar- og tómstundaráð auglýsir eftir umsóknum um starfslaun fyrir bæjarlistamann árið 2006. Í gildandi reglum um úthlutun starfslaunanna segir m.a.:
- Sækja skal um starfslaunin til MTV. Að jafnaði koma þeir einir til greina sem bæjarlistamenn sem búsettir eru í Vestmannaeyjum.
- Listamaður skal í umsókn sinni til MTV gera grein fyrir því sem hann hyggst vinna að. Hann skal einnig gera grein fyrir því hvenær hann ætli að vinna að verkum sínum.
- Auglýst er í marsmánuði eftir umsóknum um starfslaun, með umsóknarfresti til 20. mars. MTV velur úr framkomnum umsóknum og úthlutar á sumardaginn fyrsta, að fenginni staðfestingu bæjarstjórnar. Viðkomandi hlýtur titilinn "Bæjarlistamaður Vestmannaeyja? fyrir úthlutunarárið.
MTV getur einnig tilnefnt einstaklinga/hópa til starfslauna. Engan má þó tilnefna án samþykkis hans sjálfs.
Umsóknum skal skila til menningar- og tómstundaráðs Vestmannaeyjabæjar, Ráðhúsinu, 902 Vestmannaeyjum fyrir 30. mars n.k. og skulu þær vera í samræmi við framangreindar reglur.
Reglurnar í heild er hægt að nálgast á heimasíðu Vestmannaeyjabæjar (Stjórnkerfi/Reglur og samþykktir)og/eða fá afhentar á bæjarskrifstofunni í Ráðhúsinu.
( Ath. umsóknarfrestur framlengdur um 10 daga frá því sem segir í reglugerð, niðurstaða tilkynnt á sumardaginn fyrsta þann 20. apríl nk.)
Fh. menningar- og tómstundaráðs
Andrés Sigurvinsson, framkvæmdastjóri fræðslu- og menningarsviðs Vestmannaeyja.