Ráðgjafinn starfar í þverfaglegu samstarfi við kennsluráðgjafa, sérkennsluráðgjafa, sálfræðing, fræðslufulltrúa, umsjónarþroskaþjálfa, starfsfólk leik- og grunnskóla, velferðarþjónustu og aðra sérfræðinga.
Um er að ræða ráðgjafarstarf þar sem áhersla er lögð á stuðning við nemendur með sérþarfir, fjölskyldur þeirra og ráðgjöf til stofnana á fræðslusviði.
Helstu verkefni
- Tekur þátt í fagteymum og þverfaglegu samstarfi á fjölskyldu- og fræðslusviði.
- Veitir ráðgjöf vegna barna í leik- og grunnskóla með ýmiss konar frávik og barna sem eiga í hegðunar-, náms- og/eða félagslegum vanda.
- Er tengiliður nemenda með sérþarfir og situr teymisfundi vegna þeirra í skóla.
- Sér um fyrirlögn á skimunum, t.d. vegna gruns um röskun á einhverfurófi.
- Metur stuðningsþörf í leikskólum í samráði við sérkennsluráðgjafa leikskóla.
- Skipuleggur SIS mat grunnskólabarna í samráði við fræðslufulltrúa og fylgir niðurstöðum eftir.
Menntun og hæfnikröfur
- Háskólamenntun (BA/BS/B.Ed.) og reynsla sem nýtist í starfi, s.s. á sviði kennslufræða, sálfræði, uppeldis- og menntunarfræða, þroskaþjálfunar eða félagsráðgjafar.
- Reynsla af teymisvinnu og þverfaglegu samstarfi er kostur.
- Þekking og reynsla á sviði uppeldis- og hegðunarmótandi aðferða er kostur.
- Þekking og reynsla af vinnu með börnum með einhverfu, ADHD, hegðunar-, náms- og félagslegan vanda.
- Þekking á CARS skimunartæki vegna gruns um röskun á einhverfurófi er kostur.
- Góð skipulagshæfni, frumkvæði og sjálfstæði í vinnubrögðum.
- Lipurð í mannlegum samskiptum.
Frekari upplýsingar um starfið
Laun eru samkvæmt gildandi kjarasamningi SÍS og viðkomandi stéttarfélags.
Hreint sakavottorð er skilyrði.
Umsækjendur eru beðnir um að skila inn umsókn á netfangið drifagunn@vestmannaeyjar.is. Með umsókn þarf að fylgja ferilskrá og að auki kynningarbréf með rökstuðningi fyrir hæfni í starfið og ástæðu umsóknar. Allir áhugasamir eru hvattir til að sækja um starfið óháð kyni og uppruna.
Gert er ráð fyrir að viðkomandi hefji störf í janúar 2021.
Starfshlutfall er 50%
Umsóknarfrestur er til og með 29. desember 2020.
Nánari upplýsingar veitir
Drífa Gunnarsdóttir, fræðslufulltrúi - drifagunn@vestmannaeyjar.is – 488 2000