Fara í efni
17.11.2026 Fréttir

Samstarfssamningur um jólagjafakort starfsmanna Vestmannaeyjabæjar undirritaður

Íris Róbertsdóttir, bæjarstjóri og Sigrún Alda Ómarsdóttir, formaður Félags kaupsýslumanna í Vestmannaeyjum, undirrituðu þann 13. nóvember sl. samstarfssamning um útgáfu og endurgreiðslu jólagjafakorta til starfsmanna Vestmannaeyjabæjar

Deildu

Með samningnum er settur sameiginlegur rammi um útgáfu og notkun gjafakortanna sem Vestmannaeyjabær afhendir starfsfólki sínu í jólagjöf ár hvert. Sem fyrr eru kortin gild hjá fyrirtækjum sem eru aðilar að Félagi kaupsýslumanna í Vestmannaeyjum.

Með samstarfinu er lögð áhersla á að styðja við verslun og þjónustu í heimabyggð og stuðla að því að jólagjöf bæjarins skili sér til fyrirtækja í Vestmannaeyjum.

Samningurinn markar formlegt samstarf milli aðilanna um fyrirkomulag gjafakortanna og uppgjör þeirra.