Þriðjudaginn 27. febrúar n.k. kl:12:05-13:00 verður haldinn samráðsfundur um öryggismyndavélakerfi á hafnarsvæði Vestmannaeyjahafnar.
Fundurinn verður haldinn í fundarsal Umhverfis-og framkvæmdasviðs að Tangagötu 1 í húsnæði Hitaveitu Suðurnesja, 2.hæð
Á fundinn eru boðaðir þeir aðilar sem að hafa áhuga á að kynna sér eða taka þátt í samstarfi um uppbyggingu eftirlitskerfis á hafnarsvæði Vestmannaeyjahafnar.
Dagskrá fundar:
- Kynning á núverandi kerfi
- Möguleikar á stækkun
- Umræður um samlegðaráhrif öryggisgæslu á hafnarsvæði
Framkvæmdastjóri Nortek sem útvegaði höfninni öryggismyndavélabúnað verður til að svara spurningum um tæknileg mál sem varða núverandi kerfi hafnarinnar.
Vinsamlegast staðfestið mætingu á fundinn á netfangið frosti@vestmannaeyjar.is.
Virðingarfyllst
- Frosti Gíslason, framkvæmdastjóri Umhverfis-og framkvæmdasviðs
- Ólafur M. Kristinsson, hafnarstjóri
- Jón Árni Ólafsson, framkvæmda-og hafnarráði
Úr fundargerð Framkvæmda-og hafnarráðs þann 5. febrúar 2007.
Framkvæmda-og hafnarráð
Fundur nr. 15
Ár 2007, mánudaginn 5. febrúar
1. mál Öryggismyndavélar á hafnarsvæðinu
Rætt um fyrirkomulag og rekstur öryggismyndavélakerfis á hafnarsvæðinu.
Ráðið felur hafnarstjóra, framkvæmdastjóra Umhverfis-og framkvæmdasviðs og Jóni Árna Ólafssyni úr FH ráði að halda samráðsfund með hagsmunaaðilum á hafnarsvæðinu um öryggismyndavélakerfi á hafnarsvæðinu.