Til að auka áreiðanleika þjónustunnar þarf að setja upp rafrænt auðkenni í formi límmiða á þeim heimilum sem eru með heimaþjónustu. Starfsmenn okkar staðfesta komu sína með því að bera snjallsímann upp að límmiðanum og svo aftur þegar þjónustunni er lokið. Þá berast upplýsingar um komutíma, veitta þjónustu og brottfarartíma strax í símann og á sama tíma til stjórnenda heimaþjónustunnar. Þetta fyrirkomulag gerir starfsfólki auðveldara um vik að bregðast hratt við þegar á þarf að halda og ef gera þarf breytingar á þjónustunni með skömmum fyrirvara.
Á næstu dögum og vikum verða þessir límmiðar settir upp að fengnu skriflegu samþykki frá þjónustuþegum. Ef óskað er frekari upplýsinga er þjónustuþegum bent á að snúa sé til stjórnenda heimaþjónustunnar, Ástu í síma 488 2607 eða Sólrúnar í síma 488 2602.