Nú stendur til að þróa starfsemi hússins yfir í menningarhús fyrir Vestmannaeyjar, sem þjóna mun hlutverki miðstöðvar fyrir menningar- og listaviðburði í bænum.
Vestmannaeyjabær ætlar að þessu tilefni að efna til samkeppni um nafnagift á húsið og óskar eftir tillögum. Í kjölfar þess að nýtt nafn verður valið á húsið mun fara fram önnur samkeppni um „logo“ tengt nafninu, en það verður auglýst síðar. Verðlaun verða veitt fyrir nafnið sem fyrir valinu verður.
Tillögur að nafni á menningarhús Vestmannaeyja sendist á tölvupóstfangið menningarhus@vestmannaeyjar.is fyrir 29. janúar næstkomandi. Þeim skal fylgja stuttur rökstuðningur á nafnavalinu ásamt nafni og símanúmeri sendanda.
Stýrihópur um nýtt Menningarhús