Það eru spennandi tímar framundan hjá okkur í Eyjum! Nú styttist í að framkvæmdir hefjist við glæsilega viðbyggingu við Íþróttamiðstöð Vestmannaeyja en nýlega var auglýst eftir tilboðum í verkið.
Um er að ræða tveggja hæða og tæplega 2.000 fermetra viðbyggingu sem á eftir að gjörbreyta allri aðstöðu fyrir nemendur, íþróttafólk og gesti.
Viðbyggingin verður hin glæsilegasta og hönnuð til að falla vel að umhverfinu.
- Á fyrstu hæðinni verða fullbúnir búningsklefar og bætt aðstaða þar sem hugað er að hverju smáatriði.
- Önnur hæðin verður afhent fokheld sem gefur frábær tækifæri til frekari nýtingar í framtíðinni.
- Utanhúss verður byggingin fullkláruð með álklæðningu og vönduðum gluggum sem standast öll veður.
Þetta er metnaðarfull uppbygging. Til að gefa smá hugmynd um stærðargráðuna munu um 1.500 rúmmetrar af steinsteypu og heil 88 tonn af bendistáli fara í bygginguna. Það má því búast við traustu og góðu húsi sem mun þjóna Eyjamönnum vel.
Gert er ráð fyrir að verkinu verði að fullu lokið þann 1. maí 2028.
Útboðstíma lýkur þriðjudaginn 14. apríl kl. 14:00.
