Velferð frá vöggu til grafar. - Hvert vilja íslenskir sveitarstjórnarmenn stefna í velferðarmálum? - Heildstæð velferðarþjónusta eða afmörkuð félagsþjónusta sveitarfélaga?
Fimmtudaginn 29. september nk. boðar Samband íslenskra sveitarfélaga í samvinnu við félagsmálaráðuneytið og Samtök félagsmálastjóra til málþings sveitarfélaga um velferðarmál. Málþingið verður haldið í Salnum í Kópavogi og hefst það kl. 9:00 - 16.30. Yfirskrift málþingsins er
Hver er staða íslenska velferðarsamfélagsins og hvernig viljum við sjá skipan velferðarþjónustunnar til framtíðar litið? Viljum við búa áfram við óbreytta verkaskiptingu milli ríkis og sveitarfélaga í velferðarmálum eða viljum við breytingar? Hvernig er hægt að veita íbúum sveitarfélaga betri, heildstæðari og hagkvæmari þjónustu? Hvernig er hægt að bregðast við því hversu ólíkar forsendur eru í sveitarfélögum til að taka við nýjum verkefnum og veita þjónustu? Hver er reynsla sveitarfélaga sem hafa yfirtekið verkefni frá ríkinu? Hvaða teikn eru uppi í umhverfinu sem við þurfum að taka tillit til við mótun stefnu í velferðarmálum?
Þetta og margt fleira verður rætt á málþingi sveitarfélaga um velferðarmál 29. sept. nk.
Á málþinginu verða flutt framsöguerindi um stöðu velferðarmála út frá ýmsum sjónarhornum, svo sem sjónarhorni sveitarstjórnarmanna, ríkisins og félagsvísindanna. Aðalmarkmið þingsins er að fá fram sjónarmið sveitarstjórnarmanna til skipunar íslenskrar velferðarþjónustu í nútíð og framtíð. Sjónarmið sem Samband íslenskra sveitarfélaga geti tekið mið af í hagsmunagæslu sinni fyrir sveitarfélög. Eftir framsöguerindi verða því umræður um velferðarmál sveitarfélaga.
Á þingið eru sérstaklega boðaðir kjörnir fulltrúar í sveitarstjórnum og félagsmálanefndum, framkvæmdastjórar sveitarfélaga, félagsmálastjórar og aðrir stjórnendur félagsþjónustu sveitarfélaga.
Málþingsgjald er kr. 7.000-. Innifalið í því er m.a. hádegisverður og kaffiveitingar með meðlæti.
Fimmtudaginn 29. september nk. boðar Samband íslenskra sveitarfélaga í samvinnu við félagsmálaráðuneytið og Samtök félagsmálastjóra til málþings sveitarfélaga um velferðarmál. Málþingið verður haldið í Salnum í Kópavogi og hefst það kl. 9:00. Yfirskrift málþingsins er Velferð frá vöggu til grafar.
Dagskrá málþingsins er eftirfarandi:
Kl. 08:30-09:00 Skráning
Kl. 09:00-10:30 Setning málþingsins Vilhjálmur Þ. Vilhjálmsson, formaður sambands íslenskra sveitarfélaga
- Hvað einkennir velferðarsamfélag?
- Jón Björnsson, sálfræðingur og rithöfundur
- Staða einstaklingsins í velferðarsamfélaginu.
- Elísabet Jökulsdóttir skáld
- Staða íslenska velferðarsamfélagsins og framtíðarsýn
- Árni Magnússon félagsmálaráðherra
- Stefnumótun í velferðarmálum í breytilegu umhverfi
- Dr. Freydís Freysteinsdóttir lektor
Kl. 10:30-11:00 Kaffihlé
Kl. 11:00-12:00
- Hvert vilja íslenskir sveitarstjórnarmenn stefna í velferðarmálum?
- Heildstæð velferðarþjónusta eða afmörkuð félagsþjónusta sveitarfélaga?
- Árni Sigfússon, bæjarstjóri Reykjanesbæjar
- Björk Vilhelmsdóttir borgarfulltrúi
- Soffía Lárusdóttir, forseti bæjarstjórnar Fljótdalshéraðs
Kl. 12:00-13:00 Matarhlé
Kl. 13:00-14:00
Reynsla sveitarfélaga af yfirtöku velferðarþjónustu frá ríkinu og samþættingu á þjónustu
- Jakob Björnsson, bæjarfulltrúi og formaður félagsmálaráðs Akureyrarbæjar
- Albert Eymundsson, bæjarstjóri á Hornafirði
Samvinna milli sveitarfélaga um velferðarþjónustu · Reinhard Reynisson, bæjarstjóri Húsavíkurbæjar, um félags- og skólaþjónustu Þingeyinga
Kl. 14:00-16:00
Umræður í smærri hópum um mikilvægustu úrlausnarefnin í velferðarmálum sveitarfélaga. Málþingsgestir geta komið með tillögur að umræðuefni og þeir raða sér í umræðuhópa eftir því hvaða úrlausnarefni þeir telja áhugaverðast að ræða. Þeir sem hafa vakið máls á umræðuefni stjórna umræðum og gera grein fyrir niðurstöðum í lokin.
Kl. 16:00-16:30
Samantekt umræðustjóra . Niðurstöður verða jafnframt teknar saman og birtar eftir þingið.
Málþingsstjóri er Anna G. Björnsdóttir sviðsstjóri þróunar- og alþjóðasviðs sambandsins.
Málþingsgjald er kr. 7.000. Innifalið í því er m.a. hádegisverður og kaffiveitingar með meðlæti.
Skráning fer fram á http://www.samband.is/form.asp?id=1676 til 27. september nk.
Fræðslu - og menningarsvið Vestmannaeyjabæjar.