Starfsemi sem er okkur Vestmannaeyingum svo hjartkomin og mikilvæg enda um þjónustu við okkar elstu íbúa að ræða. Sérstakar þakkir eru til alls þess kæra starfsfólks sem sinnir sínu hlutverki af kostgæfni og hafa skapað Hraunbúðum gott orðspor sem og ánægju heimilisfólks og aðstandenda þeirra. Þetta starfsfólk mun halda áfram þessu góða starfi en nú sem starfsfólk Heilbrigðisstofnunar Suðurlands (HSU) sem tekur við rekstrinum. Heimilisfólk Hraunbúða, starfsfólk og starfsemin þar mun alltaf vera djúpt í hjarta Vestmannaeyjabæjar og það er af einlægni sem við segjum takk fyrir samstarfið og samfylgdina. Við verðum ekki langt undan og munum fylgjast vel með starfseminni sem er nú færð í hendur HSU.
Íris Róbertsdóttir, bæjarstjóri
Jón Pétursson, framkvæmdarstjóri fjölskyldu- og fræðslusviðs
Sólrún Erla Gunnarsdóttir, deildarstjóri öldrunarmála