Vikulegir íþróttatímar elstu barnanna undir stjórn Jóhanns Inga íþróttakennara.
Elsti árgangur leikskólabarna í leikskólum bæjarins fara vikulega í íþróttatíma í íþróttahúsið og hitta þar fyrir Jóhann Inga íþróttakennara. Er þetta annað árið í röð sem Fræðslu-og menningarsvið stendur fyrir íþróttakennslu í samvinnu við Jóhann Inga Guðmundsson íþróttakennara. Er þetta liður í forvarnastarfi sem Vestmannaeyjabær er aðili að í samvinnu við Lýðheilsustöð, en verkefnið heitir, " Allt hefur áhrif - einkum við sjálf " .
Það er margsannað að markviss hreyfiþjálfun eflir alhliða þroski barnsins og eru þessir íþróttatímar m.a. til að efla alhliða þroska leikskólakrakka.
Guðrún Helga Bjarnadóttir, leikskólafulltrúi
Fræðslu- og menningarsvið Vestmannaeyja